مطبخ النافذة

#مطبخ النافذة : طريقة عمل الرز المعمر على اصوله


جربوا الطريقة دي بيطلع مفلفل والحبه بحبتها مكنوش بيحبوه بعد ما جربوا الطريقة دي بقي ادمان بالنسبة لهم
كوبين أرز نغسله ونصفيه وفي صنيه الفرن نضيف عليه معلقتين سمنه أو زبدة وعلي نار هاديه نشوحه عشان كل حبه من الرز تتغلف بالمادة الدهنيه
نشوحه خمس دقائق بس بدون ما يتغير لونه
واحنا بنشوح الرز نكون بنغلي لتر من الحليب
نضيفه وهو مغلي علي الرز ونضيف واحدة ماجي (اختياري) ومعلقة ملح
ولو عندنا معلقتين قشطا أو كريما لباني نضفهم علي وش الصنية
نشغل شوايه الفرن وندخله عشر دقائق هياخد وش ويتحمر
نغطيه بورق فويل ونشغل الفرن من تحت 20دقيقه الرز يستوي
هيطلع أحلي رز معمر وتحدي وجربوا وقولي
وبألف هنا عليكم