الليلة فرصتك العظيمة لتغيير حياتك

الليلة هتبدأ من المغرب لحد الفجر تقريبا 9 ساعات …متخيلة 9 ساعات في السنة يغيروا حياتك!!! عشان كده عاوزين فعلا نُري الله مننا خير في الكام ساعة دول وعشان كده من أذان المغرب تكوني مستعدة …ومهم جدااا أي حاجه تقدري تنجزيها في أعمالك المنزلية أو مشاويرك تخلصيها بالنهار وتبقي فاضية من المغرب _أهم حاجه تستقبلي بيها الليلة قرار بالتوبة من الذنوب..عهد إنك مش هترجعي للذنب ده تاني ….طيب لو مش قادرة ؟؟! ادعي ربنا إنه يعينك على القرار ده ده أهم حاجه تستقبلي بيها الليلة دي التوبة والدعاء إن ربنا يعينك عليها _البرنامج يبدأ من صلاة المغرب تصلي وتفطري وترجعي سريعا لمصحفك _أدعيتك تكوني مجهزاها ومن أول المغرب لسانك شغال مش بيقف بتقولي ((اللهم إنك عفو تحب العفو فاعف عني، اللهم أعتق رقبتي من النار)) _تصلي العشاء وتبدأي تصلي قيام على قد ماتقدري ركعتين ركعتين لو قدرتي تنزلي المسجد يبقي ممتاز جداااا ماقدرتيش تنزلي المسجد..يبقى قاعدة في بيتك متوضية مستقبلة القبلة بتدعي وتصلي وتقولي أذكار وهكذا … _صلاة القيام هتبدأ معاكي من العشاء لحد الفجر ،تتعبي من الصلاة تدعي ،خلصتي دعاء معاكي أذكار واهم واخطر وقت في الليلة هو الساعه الاخيره قبل الفجر… هي اصلا ف الايام العاديه مهمه مابالك ف رمضان وكمان العشر الاواخر وكمان ليله 27 رمضان !!!! _ طول 9ساعات… مفيش نت لا للاشعارات لا للفيس و الواتس _لو طالبة وعندك مذاكرة ….. معلش ضحي بالمذاكرة الليله دي مش مهم مذاكره الليلة دي مجتش عليها _لو مش طالبة ووراكي بيت تنضفيه …. معلش مش لازم ترويق وتنضيف الليله دي هما 9 ساعات وبعدها اعملي اللي انتي عاوزاه _لو انتي حائض… ولا يهمك عندك كنووووز تقدري تستغليها بس ركزي…

▪

︎الدعاء ..(استقبلي القبلة وادعي كتييير بكل اللي عاوزاه )

▪

︎اقرأي قرآن من موبايل

▪

︎الاذكار (كتاب أذكار خلصيه كامل ماانتي مش وراكي صلاه)

▪

︎اياكي الشيطان يحبطك بالعكس …..انجزي ف الدعاء والأذكار وقراءة القرآن _ماتنسيش وانتي بتدعي …. تدعي لنفسك بخيري الدنيا والاخره وادعي لأهلك ،وامتك ، وبلدك 《اطلبي كل اللي نفسك فيه》 بس ماتنسيش .. 《اللهم انك عفو تحب العفو 》 و 《اللهم اعتق رقبتي من النار》