#نافذة_دمياط | اقرأ واعرف #بلحة مأخرنا قد أيه …

#نافذة_دمياط | اقرأ واعرف #بلحة مأخرنا قد أيه …
للاسف علي الرغم من ان العالم كله دلوقتي بيتكلم علي ال 5G و ان ازاي الشبكة ال 5G حتوصل سرعة التحميل في الانترنت ل ١٠ جيجا في الثانية الواحدة .. يعني تنزل فيلم Full HD في اقل من ثانية .. هنا في مصر لسة مفتكرين حاجة اسمها 4G .. اللي العالم بقاله بيستخدمها من ٢٠١٠ .. يعني ٧ سنين فرق و محسسينا انه انجاز
مش بس كدة اول ما طرحوها واللي مش لاقيها في اي مكان .. راحوا هوب مخليين الكارت ابو ١٠ جنيه اللي بتدفع فيه اصلا ١٢ جنيه بقي يديك ٧ جنيه!! و ده قمة الاعجاز العلمي! ما كانوا يخلوا ال٢ جنيه ب جنيه علي طول
في العالم كله بيدوروا ازاي يخلوا المكالمات بسعر قليل!! زي اوروبا مثلا اللي لغت كل تجوال المكالمات و الانترنت بين كل بلادها .. و احنا بنغلي كروت الشحن و نقلل قيمتها!
في مصر لو عاوز تعمل اصغر باقة للانترنت و المكالمات عاوز علي الاقل باقة ب ١٠٠ اللي حتدفعلها دلوقتي ١٧٠ جنيه فعلياً .. في حين ان مثلا في دولة زي الدنمارك ال ٩٩ كرونة حتديك ٣٥ جيجا و رسائل مجانية ملهاش عدد و كمان ١٠ ساعات مكالمات لأي نمرة (أرضي أو موبايل) في الدنمارك و اوروبا و ٤٧ دولة تانية كمان !
بالنسبة للمكسب احنا حوالي ١٠٠ مليون شخص (٢٠ ضعف سكان الدنمارك) في حين ان الدنمارك ٥ مليون شخص .. يعني لو شركات الدنمارك كسبت في الساعة علي اسؤا تقدير مليون جنيه .. شركات المحمول عندنا حتكسب ٢٠ مليون!
يا تري العيب في مين؟ فينا احنا كمستهلكين للخدمات و اننا بنسمح للشركات انها تستغلنا؟ ولا في الشركات بإنها بتقدم أسوأ خدمة بأغلي سعر؟! ولا من الحكومة بإنها بتسمح بالإستغلال ده انه يحصل؟!!
لازم كلنا نقف وقفة قوية قدام شركات المحمول الفاشلة اللي عندنا في مصر لغاية ما يحترمونا و يحترموا تفكيرنا و يعاملونا معاملة آدمية!
لو سكتنا المرة دي زي كل مرة .. مش بعيد بعد كدة اما تشتري ب ١٠٠ جنيه لحمة او خضار .. يقولك البايع هات ١٢٠ جنيه و حديك لحمة ب ٧٠ جنيه!
و النص لتر بنزين يبقي ب٥ جنيه و يقولك إحنا ماغليناش قيمته إحنا قللنا البنزين اللي حتاخده بالقيمة دي !
لكي الله يا مصر … إحنا بجد مقبلين علي أيام سودة
منقول

#قاطع_شبكة _الحكومة