كتاب الروح
بيفتح صفحة من مطروح
ويكتب سطر أسواني جميل الحرف دمياطي
رشيد البحر بيطاطي
لطعم النيل
يا سينا
الحُرّ مش واطي
ولا أنتي عويل
جبل طورك
حمي سورك
فـ عز الليل
تعبت يا طنطا
وغُناكي
دموع مواويل
هاجبلك م السويس قنديل
وهارسم ضحكتك فـ الليل
تنور كل أيامي
من الشط اللي قدامي
يعوم البط فيّومي
بحيرة وكفر زيّاتك
من الهمة إللـ في ذاتك فـ عز الفجر بتقومي تجيبي الصبح لولادك
نافذة دمياط نافذتك على أخبار وجديد محافظة دمياط
