فتح ممشى البحر حق أصيل لكل دمياطي

لصالح من يسرق حق مستدام لكل دمياطى كتب احد رواد راس البر شكواه قائلا (قالك فتحوا ممشى البحر روحت يا مؤمن هناك لقيت الدايرة البرتقالي دي كلها ((مسافة بطول نص كيلو على جوجل إيرث!)) ممنوع الدخول فيها. موقفين هناك ناس بزي مدني وكل واحد معاه صفارة عامل فيها كابتن جمال الغندور واللي يقرب يصفرله ويمشيه. يعني فتحوا نصف الممشى والجزء الأكبر اتسرق لصالح فندق كلنا عارفينه. دي الدايرة البرتقالي، طيب السهم الأزرق؟ دا من 4 سنين يا باشا كان اسمه مجمع سينيمات رأس البر. محدش كان يعرف يحط رجل هناك من زحمة الناس ولا حد كان يقدر على إيجار متر هناك، قوووووم أييييه… المنطقة كلها اتقفلت من ناحية ممشى النيل مطاعم ومحلات وسينما ودورة مياه كانت بتفرج على ناس كتير لصالح فندق النحس. يعني الدخل اللي كان بييجي للمحافظة كلها من المجمع دا اتقفل بقرار والممشى اللي كان متنفس الناس الأول واللي اتصلح من فلوسنا اتقفل بقرار. الملخص أحنا اتنصب علينا لما ضغطنا عليهم، فمتوقفوش ضغط لحد ما حقنا كله يرجع. ويا نواب الشعب متسكتوش أنتوا لسا مجبتوش حقنا كامل.
#افتحوا_ممشى_البحر