نافذة دمياط نافذتك على أخبار وجديد محافظة دمياط
خلاصة فيلم الممر في ثلاث مشاهد انا بعتبرهم هما الفيلم.
الثلاث مشاهد بيلخصوا العقيده القتالية للجيش المصري والجيش الإسرائيلي..
المشهد الأول..
حوار بيدور بين الأسير احمد فلوكس اللي طالع بدور ضابط مصري واياد نصار اللي طالع بدور ضابط اسرائيلي..
احمد فلوكس بيقول للضابط الإسرائيلي سيناء مش ارضكم… رد الضابط الإسرائيلي قاله..
الحاخام الاكبر للجيش الإسرائيلي قال.. ارضنا هي اللي يوصلها اخر جندي يهودي مننا وأرض سيناء جزء من أرض المعاد واللي يفرط فيها يبقى كافر …
الضابط الإسرائيلي هنا بيتكلم من منطلق عقائدي بحت.. بيقوله التواره قالت والحاخام قال.. ودي حاجه بالنسبة للضابط ثوابت غير قابله للنقاش….
رد الضابط المصري عليه وقاله..
الحاخام الأكبر قالكم كده؟ احنا بقى بنقولكم عشم ابليس في الجنه….
رد واحد قاعد على قهوه بلدي في حاره … مش محارب بيدافع عن أرضه وعقيدته.. رد ولا فيه عقيده ولا فيه يحزنون…
المشهد التاني…
الصحفي المنتدب مع الكتيبه اللي قايم بدوره احمد رزق بيسأل العساكر والضباط انتم مش خايفين من الموت؟
رد عليه احد افراد الكتيبه قاله.. محدش بيتمني الموت بس لما الموت ييجي وانت بدافع عن أرضك احسن ما يجيلك وانت نايم على فرشتك…. رد خالي تماما من العقيده.. اللي هو ياعم ماهو كده كده ميتين نموت هنا احسن.. مايعرفش ان اللي بيموت وهو بيدافع عن عقيدته وارضه ودينه شهيد في سبيل الله.. مافيش حاجه اسمها.. موت ايه يا عم دي شهاده في سبيل الله والشهداء أحياء عند ربهم يرزقون يبهايم .
المشهد. الثالث..
عسكري بيشقط البدويه اللي طالعه معاهم دليل توصلهم للمكان… حاجه كده اللي هو طالعين رحله للقناطر الخيريه… حاجه في منتهي قلة الأدب اقسم بالله….
الخلاصة
الفيلم اللي معمول ومتكلف عشان يمجد في الجيش عرى الجيش المصري تماما وظهره جيش مسلوب العقيده نهائي.. بيقاتل بالهنكره وفتحت الصدر.. مفيش في الفيلم مشهد واحد بيتكلم عن ديانة الجيش.. اللهم مشهد صلاة الجنازه على الشهداء في آخر الفيلم وعلى استحياء…
مصطفى العقاد في فيلم المختار كان كله تركيزه على الجانب العقائدي للمجهاد المسلم.. لما المجاهدين قالوا للمختار كيف نحارب جيش معه كل هذا العتاد من جنود ودبابات وطيران.. رد عليهم وقال… معهم الدبابات والطيران والاف الجنود ونحن معنا الله وهذا يكفي… وختم الفيلم بعباره عبقريه وعقيده راسخه في قلب كل مجاهد مسلم لما قال..
ننتصر او نموت
لكن يظل في فرق مهما صورو وزيفوا التاريخ بين جيش أكتوبر وجيش الجمبري منزوع الراس…
منقول
