![جولة فى سوق #فارسكور اليوم .](https://domiatwindow.net/wp-content/uploads/2020/03/1-5.jpg)
هنا سوق فارسكور أو سوق الأحد كما هو متداول بين أسماع الناس على الرغم من تحويل السوق من يوم الأحد إلى يوم السبت بعد مطالبات من الأهالى بسبب وقوع السوق امام المدرسة وتكدس الشوارع بالتزامن مع موعد خروج التلاميذ من المدرسة وتجنبا لحالات الخطف والضياع للأبناء .
ويقصد سوق فارسكور العديد من ساكنى القرى و المدن المجاورة والبعيدة بغرض شراء الاطعمة والخضروات والملابس وباقى مستلزمات البيت .
نافذة دمياط ذهبت للسوق وأجرت حوارا مع الباعة والمتسوقين للوقوف على الحالة العامة للسوق ..
بسؤالنا ل “أحمد” بائع تمور عن حالة السوق قال “ان السوق زحمة ومش زحمة ورغم اننا نزلنا الاسعار بس مفيش بيع” واضاف” يفيد بأيه الزحمة وقله الاسعار ومفيش بيع ولا شرا ” .
بينما اضاف عم” أحمد” بائع أحذية “السوق وحش وحش وانا جاي من بلد بعيدة وببيع أقل بكتير من الناس وخامات نظيفة بس الناس مش معها فلوس بسبب مصاريف المدارس والدروس ” .
وبتوجيه السؤال لأحد المتسوقين قال ” انا نفسي اشتري كل حاجة بس ببص للفلوس الي في جيبي بلاقيها مش هتكفي ، بضايق اوى وبشتري حاجات بسيطة للضرورة وامشي”
فيما اوضحت بائعة للجبن والحلاوة الطحينية ” أنا باجي من الشرقية بالقطر وعاوزة اخلص البضاعة قبل ميعاد القطر ولو متبعتش برجع بيها وسعات ببيعهم كلهم وساعات برجع بشوية منهم حسب حركة البيع اما النهاردة باقى معايا كتير وهرجع بيهم تانى الشرقية .