مطبخ النافذة

#مطبخ_النافذة | صينية بطاطس بيورية باللحمة


المقادير:
كيلو ونصف بطاطس مسلوقة ومهروسة كويس جدا
زبدة
جبنة موزاريلا
ملح
فلفل أسود
حليب
للحشوة:
نصف كيلو شرايح لحمة مقطعة شاورما
بهارات لحمة
سبع بهارات
ملح وفلفل اسود
الطريقة:
بطاطس مقشرة ومقطعة مكعبات نسلقها في مياه سخنة بتغلي لحد ما تستوي ونصفيها ونهرسها كويس جدا ولازم وهي سخنة نشتغل فيها ونحط الزبدة يعني علي كيلو ونص البطاطس بنحط نصف كوب زبدة وكوب حليب ونصف كوب جبنة موزاريلا وملح ورشة فلفل أسود
بنحط طبقة من البطاطس تحت وعليها اللحمة ورشة جبنة موزاريلا وعليها الطبقة التانية ونفردها كويس ونحط رشة جبنة موزاريلا تانية واللي يخلي لونها كدة بنحط لبن فوق الوش وندخلها الفرن لحد ما تحمر وبالهنا والشفا.
طريقة اللحمة:
نسخن طاسة كويس جدا ونحط معلقة زيت وننزل شرايح اللحمة لحد ما لونها يتغير ونحط البهارات والملح والفلفل الأسود تستوي ونطفي عليها مش بتاخد وقت خالص لانها متقطعة رفيعة..

مطبخ النافذة

عن نافذه دمياط

اترك تعليقاً