نافذة دمياط نافذتك على أخبار وجديد محافظة دمياط
مكونات عجينة الشو ( الإكلير ) :
كوب دقيق
كوب ميه
تلت كوب زبده
٣ بيضات
معلقه كبيره سكر
فانيليا
الطريقه :
في حله على النار هنحط الميه و الزبده لحد ما الزبده تسييح و الميه تغلي و بعدين نضيف الدقيق و السكر مع التقليب كويس لحد ما الدقيق يختفي و نطفي و نسيبه يبرد خالص و بعدين نضيف البيض واحده واحده مع الفانيليا و نضرب بالمضرب لحد ما العجينه تلم معانا و نحطها في كيس حلواني و نشكل في الصنيه .
التسويه :
هندخل الصنيه فرن سخن على درجة حراره ٢٠٠ لمدة ٢٠ دقيقه و نهدي الحراره ل ١٨٠ لمدة ٢٠ دقيقه و نهدي ل ١٥٠ لمدة ٢٠ دقيقه يعني اجمالي التسويه ساعه كامله و نطلعه نسيبه يبرد و نجهز الحشوه .
مكونات الحشوه :
كوب باستري كريم
كوب كريم شانتيه
كوب لبن
كوب كريمه
الطريقه :
هنضرب كل المكونات بالمضرب كويس لحد ما الكريمه تتقل و نحشي الإكلير.
مكونات جناش الشوكولاته :
٣٠٠ جرام لبن او كريمه
٦٠٠ جرام شوكولاته بالحليب مبشوره
مكعب زبده او معلقة زيت
طريقة الجناش:
في حله على النار هنحط اللبن و نسيبه يغلي و نهدي النار و نضيف الشوكولاته مع التقليب لحد ما الشوكولاته تسييح و نضيف الزبده و نطفي النار و نسيب الجناش يبرد .
طريقة البروفيترول :
هنحشي الإكلير و نحطه في بوله و نضيف عليه الجناش.
التزيين :
خطوط لوتس و كراميل و شوكولاته بيضا و مكسرات مجروشه.
