مخطط الليالي العشر

مخطط الليالي العشر
كل اللي فات كوم واللي جاي كوم تاني خالص
لو كنت قصرت شوية في اللي فات فقدامك فرصة ذهبية تعوض وتسبق وتختم الشهر بأجمل ختام إن شاء الله
“كان رسول الله صلى الله عليه وسلم إذا دخل العشر أحيا الليل وأيقظ أهله وجدَّ وشدَّ المئزر” .. يعني الرسول كان بيميز الليالي دي تحديداًَ عن باقي رمضان بإحياء الليل كله بمزيد من العبادة والذكر والصلاة والقرآن
الليالي دي فيها كنز تبقى خسران كتير لو ضيعته منك
وهو ليلة القدر
ليلة خير من ألف شهر
عبادتها بعبادة 84 سنة .. الساعة فيها بـ 8 سنين عبادة .. الدقيقة فيها بـ 50 يوم عبادة
انت متخيل !؟ متخيل كمية الثواب المهولة في عبادة ساعات قليلة !!
لذلك ده مخطط لإستغلال الليالي العشر .. هيمشي معاك كل ليلة من أول صلاة العشاء لغاية صلاة الضحى
لو واظبت عليه كل ليلة منهم يبقى 100% هتدرك ليلة القدر إن شاء الله وهيتكتبلك فيها كل الثواب ده وكإنك عملته 1000 شهر كاملين :heart:
“خاب وخسر من أدرك رمضان ثم لم يُغفر له”
اللهم لا تجعلنا من الخاسرين وأدركنا ليلة القدر واكتبنا فيها من عتقائك من النار
شدوا حيلكم