أخبار عاجلة

الدمايطة يبكون حال بلدهم عبر كتابة كلمات شعرية على افيس بوك


الدمايطة يبكون حال بلدهم عبر كتابة كلمات شعرية على افيس بوك كان منها : دمياط ماتت ياولاد دمياط
مبقاش فيه موبيليا وحلويات
كنا بنحلم نستر حالنا
بس خساره الحلم أهو مات
لفيت شاورعها وضواحيها
ولقيت كله عطلان فيها
وبكيت من كتر اللى أنا شوفته
رب الكون قادر يحميها
شوفت مكن راكن متشحم
بيقول عدى الوقت وفات
والعده بتتباع بالكيلو
بعد مكانت بالألوفات
هحكى حكاية الدمياطى
اجدع خلق الله عالأرض
كل أماله يستر حاله
ويحمي ولاده فعز البرد
مهى دى طباعه يجيبها بعرقه
ولا تتمدش أيده لحد
يلا بينا ويلا نشوف
هقول كلام ومفيش فيه كسوف
كنت زمان ماسك لسانى
وكنت حاسس كده بالخوف
واحد حياته تعباه
علطول مطلوب فلوس
هات لبس للولاد
وروح أدفع الدروس
أايد صوابعه شموع
طلبات ومفيش رجوع
وأن قال فى مره مفيش
بيبقى يوم كابوس
كل يوم واقفين فى طابور
رايحين ندفع مايه ونور
ومفكرين عملو إنجاز
وكل يوم وصلات للغاز
أدفع دروس للواد والبت
ولا إشتراك الإنترنت
أكتر شغلتنا النجار
والخشب ولع بقى نار
وحطم قايمة الأسعار
ولو جينا نقول حرام
يقولك سعر الدولار
وكل معرض قدامه سمسار
ومفكرين الزبون حمار
التاجر ياكلها ولعه
وكله من جيب النجار
حتى الصينى بقى مغشوش
والسه والكورى مبنشفوش
الله يخربيت الكمبروسر
اللى وقف حال الشاكوش
دمياط بتموت ياولاد دمياط
مبقاش فى موبيليا وحلويات
دمياط أيه اللى نص شبابها
أصبحو راكبين تروسيكلات
والنص التانى بيدور
على مصنع لو حتى ساعات
فين الخياطه و أوض النوم
وبلدنا محتاجه جهازات
فين البصارطه وعزب النهضه
وفين الشعرا فين الدهانات
فين الكفر وشارع الكليه
وحارة البركه فين الصالونات
فين العزبه وغيط النصارى
وشط الملح والإنتريهات
فين الحربى وشارع المركز
فين البيوهات والشماعات
فين شارع عبد الرحمن
طرابيظه كراسى وحلايات
ولما كنا نحب نعدى
لازم نستحمل بعضينا
لدقايق أو حتى ساعات
فين البحر ورأس البر
والناس فرحانه بالأجازات
فين الضحك اللى من القلب
فين الصوحبه فين الأخوات
فين كل ضواحى دمياط
ولا يكونش الواحد مات
دمياط ماتت ياولاد دمياط
مبقاش فى موبيليا وحلويات
ELASLY

Total Page Visits: 71 - Today Page Visits: 2

عن نافذه دمياط

اترك تعليقاً