أخبار عاجلة

أما كانت بطون الجياع أولى بذلك ..؟!

أول أمس أهدر رجال السيسى مليارات الجنيهات في الهواء ..!!

– أحمد أبو هشيمة دفع لكريستيانو رونالدو ربع مليون دولار علشان يطلع نص ساعة على القناة بتاعته مع عمرو اديب

– محمود أبو العنين دفع لمحمد رمضان 900 ألف جنية عشان يطلع نص ساعة على القناة بتاعته مع أحمد موسي في ليلة راس السنة

– سعر تذكرة حفل عمرو دياب فى حفلة رأس السنة كان من 7 حتى 15 الف جنيه

– أجر صافيناز الرقاصة في ليلة رأس السنة 250 ألف جنية في الساعة في فندق ريتز كارلتون

– عمرو أديب هو اللى كان بيشخط وينطر ويشاور بإيديه اللى فيها الساعة الروليكس للشعب بعد زيادة اسعار المحروقات وبيقولهم مش لازم تركبوا عربيات خفوا الزحمة علشان خاطر مصر

– أحمد موسى هو اللى بعد ما خلص فرح بنته اللى كلفه ملايين طلع فى برنامجه يشخط فى طنط اعتماد علشان بتشتكى من ارتفاع اسعار السلع وبيقولها بلاش محشى وفراخ بلاش تاكلى علشان خاطر مصر

– عمرو دياب هو اللى غنى للقاهرة ونيلها ومواويلها وفيه 2 مليون طفل نايمين تحت كباريها

– صافيناز الرقاصة هى اللى من حبها فى مصر رقصت وهى لابسة علم مصر

– ابو هشيمة وأبو العنين وكل رجال أعمال السيسى بيرموا فلوسهم فى دعاية لقنواتهم السخيفة بدل ما يتبرعوا بالفلوس دى للمستشفيات اللى مش لاقيين فيها تمن الحقنة بعد ما وقفوا استيراد الدواء.

باختصار – ماتصدقش أى حد شبعان جنب السيسى يقولك أصبر على الجوع علشان خاطر مصر!!

منقول

عن نافذه دمياط

اترك تعليقاً