انا عايز أهنئ الفنان محمد رمضان
علي اغنيتة الجديدة ( بمبم )
لانه فعلاً فن هادف .. ومؤثر لكن بالسلب
صاحب ابني اللي عنده ١٢ سنة شافها
للأسف و قالي انا عايز اشرب زي محمد رمضان
عشان اشوف الحاجات الحلوة اللي شافها
لما شرب الحاجة دي !!
و شباب صغير ١٧ سنة راحوا سهروا في بار و شربوا خمرة عشان يبقو زيك يا نجم ما انت كان حواليك بنات و دخلت علي بنت الحمام .
و السر في الشرب والخمرة .
ف حبيت احييك علي فنك الهادف و الذي ساهم في زيادة اموال تجار الخمور.
اما عن ابني اللي عايز يشرب زيك ف ماتشغلش بالك انا هعرف افهمه الصح من الغلط و اربيه باذن الله
.. بس للاسف مش هعرف اربي باقي الجيل.
عايزين اغنية بقا عن فوائد أي حاجه حرام كمان. لان احنا نفتقد القيم الجميلة دي كلها في مجتمعنا .
استمر يا نجم النجوم 😊
ربنا يوفقك يا نجم ويزيدك كمان وكمان
نافذة دمياط نافذتك على أخبار وجديد محافظة دمياط
