وبكرة تشوفوا مصر…

وبكرة تشوفوا مصر…
#العجب_العجاب
تمويل تعديات دستور العسكر
صديقي رجل أعمال من مصر يعمل في تجارة الاغذية بالجملة وله إحدى الثلاجات في منطقة شعبية بحي عين شمس يخزن بداخلها اللحوم والدواجن المستوردة تمهيدا لبيعها على تجار التجزئة ويعمل لديه ١٢ عاملا . 
فوجئ صباح اليوم بحملة مكبرة من مباحث قسم عين شمس تدخل الى مقر عمله ثم بدأ الحديث بينه وبين الضابط قائد الحملة 
الضابط : هو إنت ليه ما علقتش يافطة نعم لتعديل الدستور ؟ ولا انت إخوان ؟ 
التاجر :لا يا باشا انا مش إخوان واليافطة حتتعلق النهارده ان شاء الله 
الضابط : لا سيبك من اليافطة إحنا حنكتبهالك ونعلقهالك كمان لكن حتكلفك ٤٠ الف جنيه لاننا لازم نعمل حاجة تليق بمصر 
التاجر :يا باشا ده كتير جدا 
الضابط : هاتلي ورق البضاعة اللي عندك وعايزين عينات لفحص اللحوم في معامل وزارة الصحة وهاتلي ورق العمال وبطاقتهم وحنشمع المكان لغاية لما تخلص القضية !!! 
التاجر : انا كل حاجتي سليمة حتشمعوا المكان ليه ؟ 
الضابط : التقرير حيجي بعد ساعة على مكتبي ان اللحمة فاسدة ! 
التاجر طيب ال ٤٠ الف جاهزين 
الضابط : احنا مش واخدين حاجة في جيبنا كل ده علشان مصر …. لكن انا عايز بطاقات العمال 
التاجر : ليه يا باشا ما انا حادفع فلوس اليافطة
الضابط : إنت مش فاهم موضوع البطاقات حاجة وموضوع اليافطة حاجة تانية 
التاجر : طيب ممكن أفهم 
الضابط : العمال لازم يروحوا يشاركوا في الاستفتاء على الدستور ،ويحطوا أصواتهم في اللجان واحنا حنعمل لجان مغتربين وحندد لكم مكانها وحنسلمهم بطايقهم في اللجان 
التاجر : طيب افرض راحوا وصوتوا وقالوا لا لتعديل الدستور 
الضابط : إبتسم بسخرية ثم قال مش مهم يقولوا نعم او لا المهم يروحوا والباقي علينا 
التاجر : اخذ البطاقات من العمال واعطاها للضابط … اتفضل يا باشا 
الضابط : حاجة أخيرة وانا مش عايز اكون بتقل عليك 
التاجر : استر يا رب …. خير ؟
الضابط : خير طبعا … احنا بنجمع فلوس علشان حنعمل هدايا دقيق و أرز وزيت وشاي وسكر حتتوزع يوم الانتخابات وده كله على حساب صندوق تحيا مصر فانا كنت عايز اعرف انت حتتبرع بكام لصندق تحيا مصر قبل الاستفتاء ؟
التاجر : والله حرام والله حرام والله حرام 
الضابط : هو ايه اللي حرام ؟ انت إخوان ولا إيه ؟
التاجر : أنا موافق اقفل المكان نهائيا لكن بلاش قضية 
الضابط : احنا مش اتفقنا خلاص على اليافطة انت حترجع في كلامك ولا إيه ؟ على العموم حاعدي عليك بعد ساعتين أخد تمن اليافطة وبعدين نبقى نتكلم عن فلوس صندوق تحيا مصر … العمال بطايقكم عندي تستلموها في اللجنة يوم الاستفتاء…. سلام عليكم 
خرج الضابط ومعه كل أفراد الحملة وبدأ صديقي يتصل بأصدقاء له من التجار في نفس الحي فتكرر الأمر مع ٦ تجار من أصدقائه بنفس الطريقة وان اختلفت الاسعار على حسب شكل المكان ومساحته وموقعه في حين أسرع عدد من التجار لم تكن قد وصلتهم الحملة بعد إلى غلق محلاتهم من اليوم وحتى الانتهاء من الاستفتاء على دستور العسكر .
منقول من صفحة المستشار 
#وليد_شرابي