معلومة تهمك عن انواع السرنجات ولماذا سميت الموف بالحريمي

(السرنجة_المووڤ) دي مش إسمها سرنجة بدون ألم أو سرنجة حريمي ..

دي سرنجة أطفال ومصممة لحقن الأطفال فقط.
ومن الأخطاء الشائعة جدا استخدامها للكبار
والشكل اللي قدامنا ده تبسيط بيوضح العضلة عند الشخص البالغ.
الهدف من السرنجة أنها توصل الدواء لمنطقة العضلات اللي عـ الشمال خالص دي …
والسرنجة في طريقها بقي بتمر بطبقة من الدهون …
” المنطقة الحمرا اللي ف النص دي ” ..

وزي ما أنت شايف كده إن السرنجة المووف أصلا موصلتش العضل ويدوب استقرت في منطقة الدهون وده بقي هيعمل ايه … ؟!

اولا مش هيحصل إمتصاص للدواء وتقريباً مش هتستفاد من الحقنة بشئ ..
ثانيا بقي الحقنة هتكلكع وممكن توصل أنها تعمل خراج لا قدر الله ..

وأخيرا مفيش حاجه اسمها سرنجة بدون ألم ومفيش حاجة اسمها السن الصغير هيكون بدون ألم ..
الألم معتمد ع خفة إيد اللي بيدي الحقنة وعلي نوع الدواء نفسه.

معلومه_تهمك