نافذة دمياط نافذتك على أخبار وجديد محافظة دمياط
على مقهى فى الشارع الدمياطى :
حوار بين د/محمد (طبيب دمياطى شاب) وعلوة (صنايعى دمياطى قلب الورشة إلى قهوة صغيرة )
يمسك علوة صينية كبيرة عليها العديد من كوبيات اليانسون منادياً بعلو صوته:
أيوة جاى… حارب #الكورونا ياعم الحج
ينظر له د.محمد ضاحكا ويقول :هو انتا ياعم علوة بتعمل أيه ؟
هو أنا أقولك أحسن حاجة لمواجهة الكورونا نشرب مقويات مناعة تقوم عامل كل اليانسون ده ؟
يجيب علوة : لا يا دكتور أنا هنزل باليانسون للورش نشوف مين عاوز يقوى مناعته وكله يرزق … ألا حقها يا دكتور اكتشفنا حالة فى مصر؟ د محمد : ياعلوة آآآه فى حالة دخلت مصر مصابة بفيروس كورونا بس متقولش اكتشفنها في مصر لأن لولا إبلاغ السلطات الصينية للسلطات المصرية بوجودها كنا معرفناش ولا اكتشفنا
يعني كنا نايمين على وداننا و لولا الصين بلغتنا ولا كنا هنعرف حاجه
خصوصا و أننا في الشتاء و أعراض كورونا مطابقة لأعراض البرد العادي ..
طب حد عارف الحالة دي سببت عدوى لكام شخص ؟ ..لأ .. طب حد عارف في كام حالة تانية زيها دخلت مصر و نقلت العدوى فين و لمين ؟…الله اعلم
ربنا يستر يا عم علوة علينا هنا فى #دمياط ، ميناء دمياط فيها مئات الأجانب داخلين خارجين خاصة المراكب الصينية
ربنا يسترها روح وزع يانسون الله يباركلك وربنا يستر .
