كاريكاتير نافذة دمياط
كاريكاتير نافذة دمياط

فى حوار على مقهى فى الشارع الدمياطى

حوار مع علوة (نجار دمياطى قفل الورشة وقلبها قهوة ) و (شادى شاب دمياطى خريج تجارة وبيشتغل منجد شلت ومن زباين علوة ) و(استاذ محمد مدرس دمياطى )
يدخل شادى القهوة على علوة قائلا : أيه ياعلوة انتا مزوق القهوة كدا ليه ؟!! لا احنا فى رمضان ولا احنا حتى فى راس السنة ، يرد علوة خد قهوتك يا عم شادي هاعملهالك مانوا زى مابتحب .. أنا بقى يا سيدى مزوقها عشان راس السنة .
يرد شادى متعجبا:هو احنا لسة فى يناير ؟
يرد علوة احنا ياعمنا فى محرم ، الله يرحمه الاستاذ نادر هو اللى كان يبفوت عليا فى الورشة أيام النجارة ويجيب لنا مسابقة الهجرة، كنت أنت صغير كدا فاكر ياشادى ؟
يدخل استاذ محمد فى الحوار ويقول :كل سنة وأنتم طيبين عام هجري سعيد عليكم , بص يا شادى.. التقويم الهجري بدأ استخدامه بعد هجرة النبي محمد، صلى الله عليه وسلم إلى المدينة.
الأشهر الهجريَّة تعتمد على رؤية الهلال بداية كل شهر هجري، لذلك تسمى السنة القمريَّة .
وفى سنة 17 هـ اعتمد سيدنا عمر بن الخطاب التأريخ بداية من غرة شهر محرم من العام الأول للهجرة النبوية، لكن للأسف من كتر مهما بييعدونا عن أى حاجة تربطنا بديننا يمسحوا من ذاكرتنا أى حاجة تربطنا بدينا .. فنادراً لما تلاقى حد بيحتفل أو بيستخدم التاريخ ، حتى مظاهر الاحتفال زى الحلويات اللى كان بيتبادلها الجيران فى المناسبات الاسلامية جم شوية ناس حرموا علينا عيشتنا بدعوى البدعة وهما هدفهم خدمة العلمنة وأسيادهم اللى هما الوقتى بيطبلوا لهم فى ظلمهم للناس . كل سنة وأنت طيب يا شادى وربنا يجعلها سنة سعيدة على دمياط كلها يا رب.