كاريكاتير نافذة دمياط
كاريكاتير نافذة دمياط

على مقهى فى الشارع الدمياطى (علوة والاستاذ رؤوف محاسب قانوني )

على مقهى فى الشارع الدمياطى :
حوار بين الاستاذ رؤوف ( محاسب قانونى ) وعلوة (صنايعى دمياطى قلب الورشة إلى قهوة صغيرة )
يجلس الاستاذ رؤوف ببدلته المنمقة ويتفحص هاتفه ويقول لعلوة : عارف يا علوة ناقصك هنا واى فاى وهتلاقى الزباين أيه !! هتهل ، وهاترفع سعر الشاى من خمسة لعشرة جنية وهاتهيص .
يجيبه علوة وهو ييضع كوباية الشاى من على الصنية أمامه: النت ده خراب بيوت يا أستاذ والشركات نصابة ، أدفع أد كدا ومش بالاقى نت وكل شوية ألاقى النت فصل ده غير إني بادفع بالغلا … والله منا عارف ألاقى الغلا منين ولا منين ، قفلنا الورشة بعد ما خربوا بيوتنا عوايد وضرايب ورسوم نظافة وتأمينات وكهرباء و… هاتيجى على النت ؟
استاذ بلاها نت خلى الزباين تحكى مع بعضها أحسن ما كل واحد حاططلى بوزة فى وش التلفون .
يقطع حديثهم صوت المذيعة فى التلفزيون على شكرها للسيسي والمسئولين على عودة صيادين دمياط من اليمن سالمين !! بعد 70 يوم اختطاف !!!! مع تهليل المطبلاتية من الضيوف.
يضرب استاذ رؤوف كف على كف قائلا: يعنى الوقتى مفروض علوة بتاع شاى لما اطلب منه شاى ويجيبه اطبله واشكره على الانجاز؟ واعمل فرح وليلة ؟ وألا دى شغلته يا جدعان ؟؟ وزارات الخارجية فى الدول دى شغلتها وحل اى مشكلة للمصرين فى الخارج وعودتهم سالمين مهوش انجاز ؟؟ وكمان بعد 70 يوم بحالهم ؟؟
ده واجب السيسي وألا غيره ، هما مفترض موظفين عند الشعب وده أساس مهامهم ، وعودة صيادين دمياط وألا المصريين اللى فى الصين ده واجب وظيفى ألزمهم به الدستور والقانون ..
مش ميمنوا على اللى جابونا بيه .. اقفل ياعم علوة على التعريض ده وهات حاجة تنفع دك غم يخدهم.

كاريكاتير نافذة دمياط
كاريكاتير نافذة دمياط