كاريكاتير نافذة دمياط
كاريكاتير نافذة دمياط

على مقهى فى الشارع الدمياطى : حكاية عم علوة وحسانين

على مقهى فى الشارع الدمياطى :
حوار بين : حسانين ( صنايعى دمياطى ايده تتلف فى حرير وخريج تجارة وطبعا مشتغلش بيها ) وعلوة (صنايعى دمياطى قلب الورشة إلى قهوة صغيرة )

بينما يقف علوة منشغلا بتنظيف العدة (الكوببات والصوانى ) يدخل حسانين بجردل غيراء بيضاء وورق ويستعد للزق الورق على باب المقهى يصرخ فيه

عم علوة :: استنى ياعم حسانين انتوا هتطبلوا بدرى كدا لبتوع مجلس الشعب هو الانتخابات بدئت ولا ايه حسانين :: لا ياعلوة دى القايمة السوداء

علوة متعجبا:: قايمة ايه دى

حسانين :: دول نواب مجلس الطبلين للسيسي يدمياط الى بيقولوا عليهم نواب الشعب دول القايمة السودا فى قاع التاريخ اسوء نواب جم دمياط فى التاريخ فى عصرهم ورش قفلت وأسر اشردت وأطفال تيتمت وستات دمياط ماتوا على الاسفلت على الطرق بيجروا على لقمة العيش خارج المحافظة كل ده تحت عينهم ,حان الوقت الى نصرخ فيه ونعلق قايمة سودا لكل مطبلاتى ياعم علوة كنت معاك هنا وفى واحد من الى فى الصورة بيكدب على الدمايطة على الشاشة وبيقول ان السيسيى قال مهلة شهر وهنشوف مدينة الاثاث والتسهيلات والشغل واهى على ايدك فاضية … دول نوام مش نواب … تحت الطلب امام الكاميرات للتطبيل والتمثيل زى االنائب الشاب الوسيم الى بحجم الحلم الى عامل فيها عم المعارض … وفالاخر عامل … ودن من طين وودن من عجين ….

علوة :: طب اقراء لينا الى مكتوب على الصورة مع صورهم ده

حسانين يقرا :: القائمة السوداء لممثلى برلمان السيسي بدمياط نسئلهم
…. هل تم تحديث مصنع دمياط للغزل والنسيج ؟ ….
…. وهل تم انشاء مصانع للملابس الجاهزة تستوعب العمالة الموجودة من الشباب ؟

… زي الاستثمار اللي في بورسعيد ونستغلال المنطقة الحرة اللي في ميناء دمياط …
ولا هنقعد نستنى دور ولادنا على طرق الموت والحوادث المفجعة المستمرة ليل نهار وبتحصدهم حصد …
…. وهل وهل وهل ….