سؤال : ليه صناعة الموبليات في دمياط انهارت ؟ عايزين جواب ..

من فتره وأنا نفسي اسأل سؤال ممكن يكون غبي شويه.
ليه صناعة الموبليات في دمياط انهارت .
يعني انا مستوعب أسباب انهيار مصانع وصناعة الغزل والنسيج في دمياط وكذلك مصنع ألبان دمياط ومصانع ادفينا للأغذية المحفوظة (كل الانهيار ده كان بسبب سوء الإدارة من الدولة )
إنما صناعة الأثاث قطاع خاص وإدارة أفراد والناس مش بتبطل جواز وعدد السكان بيزيد .
ولو الكلام عن الإغراق من الصين وتركيا فده معناه ان احنا معندناش القدرة علي المنافسه من حيث السعر وجودة المنتج وده اشك فيه لان الصانع الدمياطي ماهر وشاطر ولو السبب زيادة أسعار مستلزمات الإنتاج فده دور الغرف التجارية .
انا الأيام دي بشوف اصحاب معارض حولوها قهاوي وصنايعيه مهرة بيبيعوا فاكهة وخضار .
كارثه لما الستات تنزل تشتغل عشان الرجاله مش لاقيه شغل.
عدم اتخاذ إجراءات قبل كده في انهيار مصانع وصناعات بيهدد الأمن القومي لمصر وبيحولها لدوله مستهلكه غير منتجة وده خطر جدا لو كنتم تعقلون.

حسبنا الله ونعم الوكيل

في كل من ايد وساند ودعم كل من كان سببا فيما وصلت اليه حال الدمايطة من بطالة وبؤس وانهيار اقتصادي واجتماعي

منقول