حلول سحريه للمحافظه علي لحمه العيد 🥩


حلول سحريه للمحافظه علي لحمه العيد 🥩
ليه لحمه العيد دايما فيها ريحه غريبه ولونها غامق !!!
ناس كتير بعتو يسألوني عن حلول للحمة العيد اللي بتبوظ منهم ( تغيير رائحة أو تغيير لون اللحم إلى الاخضر او البني أو الازرق)
١- اللحم لازم يتشمع كويس . شغل مروحة على اللحم مباشرة بعد التشفية واوعى تجيب اي ماية على اللحم بعد التقطيع عشان ده اللي بيعمل اللون الاخضر والريحة الوحشة
٢- تقطيع اللحم قطعة واحدة ١ كيلو او اكثر والتوضيب يكون بعد التبريد ولو عاوز تقطع عند الجزار لازم يكون البيت قريب ( ده بالنسبة للحمة البيت والاقارب)
٣- عند وضع اللحم في الفريزر نغير مكان الاكياس أو الاطباق كل نصف ساعة نخلي اللي في النص تحت واللي فوق في النص وهكذا حتى يتم يوزيع التبريد على كل اللحم وحاول لا تكدس اللحم فوق بعضه
٤- بالنسبة لأكياس التوزيع تقطع كتلة واحدة أيضا ١ كيلو ولو هتوزع في أماكن بعيدة واللحم لسة طازة انظر رقم ٥
٥- بالنسبة للناس اللي بتدبح في البلد وترجع على محافظة تانية شمع اللحم كويس بعد التشفية وبعد التقطيع بالمروحة وبعد كدة تعبي اللحم في اكياس أو اطباق قطعة واحدة ١ كيلو وتضعها في صندوق فل مثل الصورة وتضع ثلج تحت وفوق ( يباع في شارع محمد على في العتبة )
لو مش متاح الثلج والصندوق يبقى الحل في ترك اللحم يتهوى ويتشمع اكبر وقت ممكن
٦- في ناس بتروح تدبح عند جزار وبتحط اللحم على بعضه في شنط كبيرة أو ايناء كبير وتروح تقسم في البيت ( اللحم لما يتحط على بعضة وهوة لسة سخن بيعرق ويعمل ريحة)
٧- متخليش الجزار يقطع اللحم ويحطه فوق بعضه
افرد اللحم على التربيزة
٨ – اوعى تحط اللحم في الفريزر قبل ما يتشمع هيبوووظ
واوعى تحط اللحم فوق بعضه قبل ما يتكيس
٩ – متنقيش القطع المميزة وتسيب الباقي للفقير الله يكرمك
اسماء القطع
موزة ( خضار ).
وش فخدة ( البفتيك).
سمانة ( خضار)
كلاتة ( خضار)
ظهر فخدة ( خضار خشن – مفروم )
عرق تريبيانكو (عرق لحمة باردة
انتركوت ( ستيك – خضار – شوى )
عرق فلتو ( شوى)
سن نسبة دهون بسيطة ( خضار )
لوحة ( خضار )
بوت ( خضار )
دوش وطرف خنصر ( خضار ملبس).
سرة ( خضار ملبس – مفروم ملبس )
ضلوع ( خضار )
كبدة وكلاوي وقلب
دهون صافي.
المروحة المروحة المروحة
شغل مروحة عشان اللحم يتهوى ويتشمع بسرعة
اوعى تعبي اللحمة سخنة