جريمة قتل جماعي لعدد من أطباء كلية طب محافظة المنيا حديثي التخرج

بدأت الحكاية عندما تم ابلاغهم انهم هيسافروا للقاهرة لحضور تدريب قبلها بأقل من يومين وطبعا مفيش تذاكر ولا في وسيلة مواصلات آمنة ولما اعترضوا وقالوا احنا بنات ومينفعش نسافر بالليل وفي مننا حامل ظروفها متسمحش قالوا لهم اللي مش هيروح هيتخذ جزاءات ومش بس كدا هيتم نقله لادارة تاني بعيد عن محل سكنه (استعباد صح؟ ) فالكل اضطر ينفذ ويروح والنتيجة ؟ ؟

حادث بشع علي طريق الكريمات والنتيجة وفاة طبيبتين واصابة 11 طبيبة بينهم حالات حرجة جدا
اللي لسا عروسه من شهرين اتوفت
واللي حامل سقطت ومش بس كدا ، دا حصلها انفجار في الرحم يعني مش هتخلف تاني
واللي اتكسرت و اتشوهت ، دا غير الحالات الحرجة اللي دخلت الرعاية

ومش بس كدا رفضوا يدوهم بدل سفر قبل ما يسافروا يعني دفعوهم تمن تذكرة موتهم
هل معقول كل دول يسافروا عشان واحد هيدربهم ؟

حسبنا الله ونعم الوكيل ونتمني محاكمة وكيل الوزارة وكل المسئولين عن الحادثة البشعة دي زي ما حرقوا قلوب البنات اللي لسه مفرحتش بشبابها دي وحرقوا قلوب أهاليهم عليهم
حسبي الله ونعم الوكيل
ربنا يرحمهم ويصبر أهلهم
نقلا عن مواقع التواصل بمحافظة المنيا