#الصيادين_فين ؟

#الصيادين_فين

مركب مختفية من يوم 29/11 لحد اليوم 14/1 يعني بنتكلم في اكتر من ٤٨ يوم منعرفش عن اهالينا حاجة
١٤ فرد علي المركب منهم الجد و الاب و الاخ والابن ،، ١٤ فرد بيوت معتمدة عليهم
١٤ اسرة كل يوم بتتعذب بسبب انهم ميعرفوش أي معلومة عن اهاليهم
كل ده و المركب داخل الحدود الاقليمية !!
بالاضافة إن في سكوت وتكتم اعلامي متعمد علي الموضوع ده !!
يوم ٣/١ وبعد ذل ولعب بمشاعرنا نزلوا فيديو ان المركب غرقت ( ودا مشكوك فيه لاسباب كتير بس ماشي ) فين جثامين أهالينا !!

احنا كأهالي الـ ١٤ صياد راضيين و مقتنعين تماماً بقضاء الله ، بس لو فعلا الناس دي غرقت هاتوا لنا الجثامين ، عشان نبقي عارفين و مطمنيين انهم في مكان نروح نزورهم و نطمن انهم مرتاحين ،، مش بس كده ! انتوا بتقولوا ان بابور خبط المركب فانتوا كدولة ملزمين تعرفوا مين المجرم اللي عمل كده وتحاسبوه ،، مكان زي ده لازم يكون متصور سواء بالقمر الصناعي او بغيره لأن ده مجري ملاحي

كل اللي ينفع يتعمل عملناه وكل مسئول في الدولة له صلة بالموضوع تواصلنا معاه ،، كلمنا مذيعين معروفين بس زي ما قولت في الاول في تكتيم علي الموضوع بشكل كبير وليه !!! احنا منعرفش لحد الوقتي

ياريت الناس تنشر البوست ده و تكتب
الهاشتاج