الاحتياطي الوهمي للسيسي ؟؟!!

السيسي في خطابه بيقول ان احتياطي البنك المركزي وصل لأعلى مستوى من 2011 بسبب مجهودات الحكومة والاجراءات اللي بيعملها .. طبعا ده كلام فارغ .. الاحتياطي كله قروض مش احتياطي حقيقي .. وارتفاعه الأخير الى 31 مليار دولار هو بسبب اقتراض الحكومة أكثر من 15 مليار دولار في الستة أشهر الأخيرة .. اقترضت 8.4 مليار دولار في صورة شراء أجانب لأذون وسندات خزانة مصرية وبفائدة 20 % .. واقترضت 7 مليار دولار في صورة سندات دولارية في البورصات العالمية بفائدة على الدولار وصلت الى 8 % .. ده سبب ارتفاع الاحتياطي النقدي في اخر ست شهور .. مش اجراءات ولا استثمارات ولا غيره .. لكن قروض من الأجانب وبفائدة مرتفعة جدا .. وطبعا النصف الثاني من الاحتياطي معروف ان أغلبه ودائع خليجية .. يعني الموضوع لا مجهودات حكومة ولا نجاح لكن اقتراض واحتياطي وهمي واغراق للبلد بالديون .. زي اللي بيستلف بالدين ويحط الفلوس في البنك ويقول قدام الناس أنا عندي رصيد في البنك وهو مش عارف يسدده ازاي !!