أخبار عاجلة

واجبات المدرسة للطفل وليس للأباء

معلش بس لو مفيهاش إساءة أدب، الواجب ال ولادك بياخدوا مش علشان يقيس مستواك الأكاديمي!

بكلمك بجد!! الواجب للطفل مش للأهل… الواجب علشان يساعد المدرس يحدد مستوى إستيعاب الطفل، ف لما حضرتك بتعمله كدة بتعوق المدرس ان يقوم بواجبه وكمان بتعلم الطفل حاجة في غاية الخطورة…. “الإعتمادية!!”

طبعاً هنقول “ما أنا لو ماقعدتش فوق رأسه مش هيعمل حاجة!!”

وده يخلينا نسأل السؤال الصح؛ “ايه ال هيحصل لما يروح تاني يوم مش عامل الواجب؟”

هو هيفهم انه في حاجة غلط والمدرس هيعرف ان الطالب محتاج مساعدة…

حلول عملية؛
١) بتابع مع الطفل لكن مش بحل معاه (دور الطفل)
٢) ممكن اشرح رأس السؤال لكن مش بشرح الحل (دور المدرس)
 ٣) لو بيدلع، بُكره لما المدرس يسأله عن الواجب قدام الفصل او يعقبه هيعرف أنه هو المحتاج يجري ورى واجباته مش ماما او بابا

Total Page Visits: 70 - Today Page Visits: 1

عن نافذه دمياط

اترك تعليقاً