أخبار عاجلة

هل العسكر المصرى ينافس محال الحلويات الدمياطية فقط فى صناعة الكحك ??!!

هل العسكر المصرى ينافس محال الحلويات الدمياطية فقط فى صناعة الكحك ؟
الاجابة لا بالطبع فهو الان وبقوة منافس قوى فى مجال صناعة الاثاث

عمالة مجانية _ مصانع الدولة _ والخامة مجانية فهى تاتى من رصيف الميناء من الخامة المحجوزعليها

واكثر من 70 منفذ بيع فى جميع محافظات مصر وكل هذا ولا رقابة اين تذهب اموال الشراء فلا رقيب على الاموال !!!

المدون أحمد محسن
MO7SN دون على صفحته حكاية كحك الجيش الى بينافس بقوة محلات الحلويات وبيدمر صناعة الحلويات فعليا فى دمياط الى كانت بتعبر بتغذى محافظات مصر كلها بالمنتج ننتقل لكم بالتدوينة ونفهم ليه الناس معتترضه على صناعة الجيش للكحك
وهنتكلم عن قريب عن المنافسة الغير شريفة او متوازنةمع تجار الاثاث وصناعة الدمايطة ومنافسة الجيش للصناع الدمايطة

أول إمبارح انتشر فيديو لشباب عاملين مقارنة بين أنواع الكحك في مصر .. وفي اخر الفيديو اختاروا ( كحك الجيش ) ان هو الافضل .. وطبعا المقطع ساخر واساسه مقلته وللضحك فقط ..
رابط المقطع : http://bit.ly/2sbSoBo
*
اتقلبت الدنيا عاللي عاملين المقطع .. وبقى فيه مطالبات بمحاكمتهم عسكريا بتهمة ( الخيانة العظمى ) .. وبالفعل صفحة مليونية من أكبر صفحات دعم الجيش قالت انهم اتقبض عليهم بتهمة الخيانة .. وهيتحاكموا عسكريا ! ..
رابط البوست : http://bit.ly/2sbPzQM
*
الشباب اللي عاملين المقطع ليهم موقع هزلي اسمه ( السين ) ” اتحجب امبارح خلاص ” .. فكتبوا بوست عالفيس بوك قالو ان متقبضش عليهم ولا حاجة .. بس الفيديو حذفوه طبعا بعد عدد المشاهدات الضخم له .. وطبعا معروف اتعمل معاهم ايه عشان يشيلوه ..
رابط البوست : http://bit.ly/2sbXkpZ
*
ردود المعارضين عالفيديو كانت كتيره .. لكن اقواهم هو الرد ده من صفحة كبيرة برضه لدعم الجيش : ( بص ياحيلتها .. أمك بتشتري الكحك ب 600 جنيه .. وام الغلبان مش عارفة تشتريه ب 60 .. فاحنا عملنهولها بـ 30 .. ولانك تافه زي امك فجاي تتمقلت علينا .. وابقى خلي امك اللي تعملك الكحك ) .. وطبعا شابوه حضرة الضابط !
رابط البوست : http://bit.ly/2sbKZ5f
*
نرجع بقى ورا بضهرنا شوية .. ونشوف سوا قصة الكحك مع الجيش من الأول ..
*
في رمضان 2013 بعد 30 يونيه .. طلعت موضة اشكال للكحك والبسكويت على شكل كلام تأييد للسيسي أو لمرسي ..
http://bit.ly/2sbggVW
*
سنة 2014 بعد تولي السيسي الرئاسة بشهر واحد بس .. تم الاعلان عن افتتاح 341 منفذ بيع للمنتجات الاستهلاكية للقوات المسلحة ( زيت وسكر ودقيق ودواجن .. الخ ) .. وده عدد ضخم طبعا ولم يسبق له مثيل قبل كده ..
http://bit.ly/2sbYVMp
*
البوست اللي نزله المتحدث الرسمي للجيش وقتها عمل جدل كبير .. خصوصا انه قال فيه ان معظم ( الجيوش الميدانية ) و( المناطق العسكرية ) فتحت فروع ..
http://bit.ly/2sbYVMp
*
كان ابرزها في ( دار الأسلحة والذخيرة ) افتتاح ( مصنع الحلويات ) التابع لكلية ( الدفاع الجوي ) .. واللي بيعملنا الكحك اللي بنقول عليه !
http://bit.ly/2sbYVMp
http://bit.ly/2sbrGcm
*
الحكاية دي اتاخدت بمعارضة تامة .. وحتى من الصحف الموالية للسيسي نفسه .. واللي اساس تأييدها ليه هي مصلحة ( الدولة العميقة ) معاه .. ومنهم ( المصري اليوم ) واللي حكت عن مشهد مضحك لعسكري بينادي عالكحك في منفذ من المنافذ وبيقول : ( يا ناعمة يا غريبة.. تعالى عندنا واشتري ) ..
http://bit.ly/2sc0CcL
http://bit.ly/2sbv8Uj
*
ابرز المعارضين ساعتها كان رئيس شعبة الحلويات في اتحاد غرف الصناعة اللواء / صلاح الدين العبد .. صاحب مجموعة العبد للحلويات ( حلواني العبد ) ..
http://bit.ly/2sbxx1k
*
وقال انها منافسة غير عادلة .. وده لان الجيش بيتوفر له ببلاش كلا من ( العمالة – المكان – الوقود .. الخ ) ..
http://bit.ly/2sbGTKm
*
ولو رجعنا كمان وكمان .. فنلاقي ان اساس اساس الموضوع كان عند الرئيس / السادات .. وده لما اسس ( جهاز مشروعات الخدمة الوطنية ) سنة 1979 .. وده جهاز ضخم بيضم 21 شركة عملاقة .. وأكبرهم في ( قطاع الأمن الغذائي ) ..
http://bit.ly/2sc1DBB
*
منهم مثلا (مجمع مخابز القاهرة الكبرى ) اللي يعتبر من اكبر مجمعات الخبز في العالم .. بسعة انتاجية 1.5 مليون رغيف في اليوم طبقا لاحصائيات 2014 ..
http://bit.ly/2sbBL92
*
الجهاز ده تم تدعيمه في عهد المشير / ابو غزالة .. لدرجة انه في عهد مبارك بقى دولة داخل الدولة .. باقتصاد وحجم اعمال ضخم يصل لـ 10 % من حجم الاقتصاد المصري طبقا لتصريحات رسمية .. و من 25 : 40 % بتقديرات غير رسمية ..
http://bit.ly/2sbYAJC
http://bit.ly/2sbBL92
http://bit.ly/2sbTBc1
*
وكان وقتها لمواجهة نوع جديد من الحروب اسمه ( حروب الجيل الرابع ) واللي من اساسياتها تجويع افراد الجيوش نفسهم ..
http://bit.ly/2scbtU1
*
طيب هل فيه جيوش تانية عاملة اللي احنا عاملينه ده ؟
*
اه فيه عالميا واقليميا .. وممكن أكبر مننا بكتير .. لكن الفرق حاجتين .. الاول انها منتجات استراتيجية تخدم الجيش نفسه ( مش كحك يعني ) .. ثانيا الخضوع لرقابة مؤسسات الدولة نفسها ..
http://bit.ly/2sbYAJC
*
مثلا ( الامارات وقطر ) فاتحين مصانع ومزارع كبيرة باسم القوات المسلحة بره بلدها زي استثماراتها في الدول الافريقية .. مثلا ( مصنع المياة القطرية ) الضخم في دولة ( إريتريا ) ..
http://bit.ly/2sbdhwR
*
المشكلة ان الجيش حاليا بينافس السوق المصري بشراسة .. واي ازمة في السلع بتلاقيه فتح مصانع او حتى استورد السلعة نفسها .. زي ازمة السكر وحليب الاطفال والادوية .. الخ .. ولما ظهرت علبة كحك ( ساليه سكوريه ) بـ 760 جنيه .. عمل هو علبة بـ 35 جنيه !
http://bit.ly/2sc2XEz
*
أخيرا .. العبرة بقى ان هل صناعة الكحك صناعة استراتيجية او لوجستية .. ومن غيره الناس هتموت وعشان كده الجيش اتدخل .. ولا هو مجرد بيزنس بيجيب فلوس وخلاص ؟ .. ولا كان من الافضل ان الايد العاملة من العساكر دي كلها تتوجه لصناعات اهم من كده بكتير .. ومحدش يقول صناعات أهم من كده زي ( البيدي فور ) مثلا .. عشان خلاص اتعمل .
*


( شير للغير .. ولايك ليا )

عن نافذه دمياط

اترك تعليقاً