نصائح ابن دمياط على خط المواجهة مع كورونا بالحجر الصحي بمرسى مطروح

الدكتور / محمد طالب من مدينه الزرقا
طبيب مشارك في الحجر الصحي بمستشفى النجيلة في محافظة مطروح

يمكن احساس مختلف وانت اول مرة تدخل لحالة كورونا وانت عارف انها بوسيتيف .. احساس انك قدام فيروس كل العالم بيتكلم عنه انه ملوش علاج ونسبة الوفيات منه في تصاعد وانه بينتقل بأبسط طريقة ممكنة .. لكن فعلا المواجهة محتومة عاجلا او اجلا وقد كان بنسمع يوميا عن حالات في كل انحاء مصر ..
دعواتكم لكل واحد معانا جوا المستشفى .. الناس دي فعلا مبتنامش حرفيا .. انا مكنتش مستوعب كمية الضغط الذهني والنفسي الموجودين ..
ان شاء الله تمر الأزمة على خير ..

بداية كل التقدير لكل الأطباء والتمريض وجميع الطاقم الطبي سواء داخل الحجر الصحي معانا في #النجيلة أو بالخارج في المستشفيات والوحدات لأنهم على خط المواجهة حاليا وبيبذلوا أقصى استطاعتهم ..

ثانيا ،، عايزين نتكلم في كذا نقطة مهمة ومنعملش تهويل للموضوع ونطمن الناس وأهالينا إن الأهم في الفترة الحالية هي اتباع الآتي :

#طرق_الوقاية :
غسيل الأيدي جيدا ..
عدم استعمال الأدوات الشخصية للأفراد ..
التعقيم بالكحول ..
لبس الكمامات والجوانتيات أثناء الذهاب للعمل أو بالنسبة للطاقم الطبي أثناء التواجد في المستشفيات والعيادات طوال اليوم ..
تجنب أماكن الازدحام .. تجنب السلام بالأيدي والأحضان والقبلات الفترة الجاية خصوصا للأطفال ..

#تقوية_المناعة :
فيتامين سي مهم جدا على سبيل المثال عصير البرتقال
شرب المياه بكثرة
أكل الخضروات زي الطماطم والفلفل الأخضر
شرب اللبن
معلقة عسل نحل يوميا
تجنب كل ما يضعف المناعة الفترة الجاية كالتدخين وشرب الكحوليات وتعاطي المخدرات ، وأيضا تناول المسكنات بدون داعي ..

#أعراض_المرض :
تشبه كتير اعراض الانفلونزا ولكن مع ارتفاع درجة الحرارة اكتر من 38 و صداع شديد وكحة ناشفة وضيق في التنفس .. وفي الظروف ال احنا فيها دي يفضل سرعة الذهاب لأقرب مستشفى لعمل الفحوصات والتحاليل اللازمة ..
symptoms :
………………..
runny nose
sore throat
cough
fever
difficulty breathing (severe cases)

#تجنب_الشائعات :
خلي مصدرنا دايما للمعلومات عن الحالات وعددها يكون عن طريق الصفحة الرسمية للمتحدث الرسمي لوزارة الصحة المصرية .. وتجنب الشائعات الفترة دي مهم جدا .. وبث الأمان والتوعية الجيدة هو سيد المرحلة ..

احنا علينا دور كبير في اتباع التعليمات دي وطرق الوقاية بحيث المجهود دا كله ميضيعش هباء .. وإن شاء الله تعدي الأزمة على خير ..

الدكتور / محمد طالب من مدينه الزرقا
طبيب مشارك في الحجر الصحي بمستشفى النجيلة في محافظة مطروح

عن نافذه دمياط

اترك تعليقاً