أخبار عاجلة

مهم جداً جداً…….. السادة الكرام أصحاب عدادات الكهرباء ذات الكارت الذكي برجاء الإنتبهاه!

امبارح رحت اشحن كارت الكهرباء لقيت فيه 139 جنيه مستحقة على الكارت تحت بند “أقساط” وانا مفيش عليا اقساط ولا اي شي.

المهم رحت انهاردا شركة الكهرباء لأني قلت أكيد فيه حاجة غلط والموظف وضحلي ان شركة الكهرباء ما شاء الله عملتلنا سياسة استخدام عادل زي النت بس الاختلاف بقى انك لو خلصت الباقة الكهرباء مش هتفصل عليك لأ انت هتدفع غرامة!

تعديل:
توضيح اكتر عشان الناس الي مش فاهمة قوي: ببساطة شركة الكهرباء عملت حد أقصى للإستهلاك الشهري لو عديت الحد ده هتنزل عليك غرامة على الكارت بالسالب, طيب قد ايه الحد ده وايه مبلغ الغرامة؟

مسموح لحضرتك استهلاك شهري لحد 650 كيلو وات بحد اقصى.

لو عديت 650 كيلو وات فالشهر هينزل على الكارت مبلغ 139 جنيه بالسالب
لو عديت 1000 كيلو وات فالشهر هينزل على الكارت مبلغ 420 جنيه بالسالب

طبعا ده غير استهلاكك الي بتدفعه, يعني لو لقيت على الكارت 139 وشحنت ب 250 زيي كده هتلاقي نازلك فالكارت 111 جنيه مع انك شاحن ب 250.. طيب ليه؟
عشان انت استهلكت اكتر من 650 كيلو وات اما لو استهلكت اكتر من 1000 كيلو وات المبلغ الي بالسالب هيبقى 420 جنيه ساعتها لو عايز تشحن ب 100 جنيه مثلا هتشحن ب 520 جنيه. 420 هيتخصمو عشان انت عديت الحد المسموح به للإستهلاك (1000 كيلو وات) وال 100 جنيه هتنزلك رصيد فالكارت.

__________________

طيب ال 650 كيلو وات دول فأني شريحة؟
-فأخر الشريحة الخامسة

__________________

وفالتالي تعريفة الكهرباء لكل كيلو وات داخل كل شريحة:

1- الشريحة الأولى من صفر إلى 50 كيلو وات ( 38 قرش بدلا من 30 قرش )
2- الشريحة الثانية من 51 إلى 100 كيلو وات ( 48 قرش بدلا 40 قرش )
3- الشريحة الثالثة من صفر حتى 200 كيلو وات ( 65 قرش بدلا من 50 قرشًا )
4- الشريحة الرابعة من 201 إلى 350 كيلو وات ( 96 حط قرش بدلا من 82 قرشًا )
5- الشريحة الخامسة من 351 إلى 650 كيلو وات ( 118 قرش بدلا من 100 قرشًا )
6- الشريحة السادسة من651 إلى ألف كليو وات ( 140 قرش)
7- الشريحة السابعةمن صفر إلى أقل 1000 كيلو وات لا يحصلون على دعم ( 118 قرشًا).
8- من صفر لأكثر من 1000 (145 قرش)

__________________

طيب ازاي اعرف استهلاكي خلال الشهر الي انا فيه فأي وقت فالشهر؟
-استهلاك الشهر الحالي موجود فشاشة رقم 4 فالعداد. دوس على الزرار الابيض لحد لما تلاقي شاشة مكتوب عليها رقم 4 على الشمال وهتلاقي جنبها استهلاكك الحالي. وشاشة رقم 5 الي بعدها استهلاكك من يوم ما جبت العداد.

__________________

ياريت نخلي بالنا عشان منتفاجأش!

__________________

السؤال هنا: انا بشحن الكارت بتاعي مقدم. وانت عاملي شرايح كل شريحة التعريفة فيها بتزيد ولو الرصيد خلص بتفصل الكهرباء عليا… تفرض عليا غرامة لو وصلت لشريحة معينة ليه؟ مانا هشحن الكارت وهستهلك الرصيد الي شحنته الغرامة دي تحت بنك ايه؟

اي حد عنده تكييف 1.5 حصان بيوصل للشريحة الخامسة مع نهاية الشهر. المفروض اني مشغلش التكييف؟ ولو شغلته ووصلت للشريحة الخامسة تاخد مني 139 جنيه ليه؟

طيب والي عندي تكيفين تلاتة ووصل للسادسة والراجل ده اكيد شحن مش أقل من 600 او 700 جنيه تفرض عليه 420 جنيه تاني ليه؟

ده طبعا بعد التعريفة الي زادت 3 مرات ورا بعض!
منقول

عن نافذه دمياط

اترك تعليقاً