نافذة دمياط نافذتك على أخبار وجديد محافظة دمياط
صديقة عزيزة طلعت اشجع من ناس كتير ومنى انا شخصيا لانها حطت على عربيتها ورقة “#لا_للتعديلات_الدستورية
السيده الفاضلة صحيت يوم الصبح ولقت عربيتها مختفية (العربية اصلا قديمة جدا وبتمشى بالعافية) وبسؤال الجيران والبواب اكتشفت ان اللى اخدها بسلامتهم الامن الوطنى!!!
مش حاطول عليكم فى التفاصيل الا ان السيدة الفاضلة بقالها اكتر من شهر بتدور على العربية وقسم الشرطة رفضوا يعملوا لها محضر لانهم عارفين ان العربية مش مسروقة وعند الامن الوطنى!!
الوسايط مش نافعه ولا القانون نافع ولا عارفين نرجع حق الست اللى ما عملتش حاجة غير التعبير عن رايها اللى بيكفله الدستور (امنعوا الضحك!!)
لو حد يقدر يساعد يا جماعة يبقى فعلا عمل خير لان السيدة الفاضلة محتاجة العربية بشدة لتسيير امورها وجياتها خاصة وانها مش صغيرة ولا سنا ولا مقاما …
#الامن_الوطنى_حرامية
داليا حامد
