كبسة باللحمة
22 مايو، 2018
أخبار عاجلة, الأسرة والطفل, الرئيسية
- المكوّنات
- 0.5 كيلو رز بسمتي
- 0.5 كيلو لحمة مكعبات
- 1 بصلاية كبيرة
- ملعقة صغيرة ملح
- 0.5 ملعقة صغيرة فلفل اسود
- 0.5 ملعقة صغيرة بهارات
- 0.5ملعقة صغيرة قرفة
- 3 فصوص حبهان
- حبيتين مستكة
- 3 ورق لور
- ملعقة كبيرة كاري
- ملعقة كبيرة كركم
- 2 كوب ماء مغلي
- 2 مكعب ماجي
-
- طريقة التحضير
- اول حاجة بنجيب اللحمة ونقطعها مكعبات متوسطة ونغسلها ونصفيها علي جمب
- بعدين نجيب حلة ونقطع البصلاية مكعبات صغيرة ونحط شوية زيت ونحطهم علي النار نحط مكعبين الماجي ونشوح شوية وبعدين ننزل كل البهارات ما عدا الملح
- بعدين ننزل بمكعبات اللحمة ونشوح اللحمة في البصل والبهارات
- بعدين ننزل بالماء المغلي لحد ماللحمة تدخل في السوة
- نكون غسلين الرز وننزل بيه علي اللحمة لو احتجنا ماية نزود شوية ماية ونحط الملح بتاعنا ونقلب كله
- نسيب الرز لحد مايتشرب الماية بتاعتة هو بعدين نوطي عليه لحد مايستوي
- وبعدين نقدمة جمب سلطة دقوس او سلطة طماطم ويقدم الف هنا وشفا
ــــــــــــــــــــــــــــــــــــــــــــــــــــــــــــــــــــــــــــــــــــــ
نافذة دمياط نافذتك على أخبار وجديد محافظة دمياط
