قرنبيط مشوي في الفرن

ينفع في الدايت جدا لانه مفيد و بيحتوي علي عناصر غذائية مهمه زي احتواءه علي فيتامينe, c,k, و كمان فيتامين b المركب و حمض الفوليك و الكالسيوم و الزينك والحديد.

القرنبيط كمان مصدر مهم للبروتين النباتي وفيه دهون غير مشبعه و بيوفر الالياف الغذائية المهمه للجسم

فالقرنبيط في الدايت مهم جدا لانه بيحسس بالشبع و مش بيحتوي علي نسبة سعرات حرارية عاليه و لكن الاهم هو طريقة الطهي مسلوق ولا مقلي ولا مشوي ولا ع البخار..طريقة الطهي هي الي بتحدد نسبة السعرات الحرارية و الدهون.

فلو حسبنا نسبة السعرات الحرارية في القرنبيط بحجم صغير هنلافي ان :

٢٥٠ جم قرنبيط = 57 kcal
الدهون = 1.13 g
البروتين = 4.6 g
الكربوهيدرات= 10.28 g
الكولسترول= 0

مكونات الوجبة:

٢٥٠ جم قرنبيط مقطع
م ص زيت زيتون
م ص ( ملح ..فلفل..بابريكا..شطة)

الطريقه: ✍✍✍✍
١/ نسلق القنربيط نص سلقة لمده ١٠ ٥ دقايق
٢/ نصفيه من المياه ونضيف ليه زيت الزيتون و البهارات
٣/ نقلبهم كويس و نحط في صينية علي ورق زبده و ندخله الفرن لمدة ربع ساعه و نقلبه في الفرن عشان يستوي و يتحمر من جميع الاتجاهات.
٤/ نرش عليه نعناع او كزبره بعد السوي و بالهنا.