أخبار عاجلة

فى حوار على مقهى فى الشارع الدمياطى


حوار مع علوة (نجار دمياطى قفل الورشة وقلبها قهوة ) والدكتور على (طبيب بيطرى دمياطى من جيران مقهى علوة) بينما منشغل علوة بتزيين المقهى والتجهيز لمكان يدبح فيه خروف العيد وبينما التلفزيون تععالى منه صيحات تكبيرات العيد يدخل د على مهنئ بالعيد : كل سنة وانت طيب ياعلوة يبادره علوة بعوده الايام يا دكتور جت فى وقتك والله حيران فى موضوع الدبح ده جبت خروف صغير كان عبده جارنا مربيه من العيد الى فات اصلها عادة كنا بندبح عجل عجلين على يدك يادكتور كانت الدنيا ماشية والمصلحة فى الموبليا حلوة وكان الكل بيتتراضه الوقت تجار ونجارين كبار مش لاقين حق كبلو اللحمة انما اهو ربنا بيكرم وقولنا ربنا مايقطعها عادة وعبادة وبنظبط مع عبده يجبلنا حاجة نربيها عنده واهى على ايدينا !!! انا بقى حيران فى موضوع الدبح والكورونا ده بادكتور نعمل ايه فى موضوع الكورونا والدبح ده نعمل ايه ؟ دعلى : بس ياعلوة اولا ربنا ما يقطعها عليك عادة وعبادة وراعى ان اضحيتك تكون خالصة لله وتروح للى بستحق اما بقى موضوع كورونا بس ياسيدى خد الورقة دى علقها ليك وللكل يستفاد اقرا وسمع الى قاعدين الحرص على ارتداء الجزار ومساعديه الكمامة الطبية.

– تنفيذ التباعد الاجتماعي بمسافة لا تقل عن مترين بين الآخرين أثناء مشاهدة الأضحية.

– لا بد من الذبح في مكان جيد التهوية. – من الضروري ارتداء جميع أفراد المنزل الكمامة الطبية.

– أثناء توزيع الأضاحي يجب ارتداء الكمامة والجوانتي.

– بعد تفريغ كيس الأضحية، يجب التخلص منه فورا بإلقائه في سلة المهملات، مع ضرورة غسل اليدين جيدا بالماء والصابون، مع عدم ملامسة الأنف. تعقيم المنزل جيدًا، خصوصا مكان الذبح والأدوات المستخدمة بالماء والكلور بمجرد الانتهاء.

علقها بقى ياعلوة فى مكان ظاهر فى القهوة وربنا يتقبل طاعتكم ومتساش اضحيتك للى يستحقها كل سنة وانت طيب ياعم علوة ويارب دمياط كلها تبقى فى خيرات ونعم وتدبح كلها وتضحى ويخرج خيرها لجيرانها من المحافظات

عن نافذه دمياط

اترك تعليقاً