على مقهى فى الشارع الدمياطى : ماسبيرو والهلفوت

حوار بين ربيع ( خريج اعلام القاهرة وكعادة الدمايطة يشتغل مع والده فى تجارة القشرة ) وعلوة (صنايعى دمياطى قلب الورشة إلى قهوة صغيرة ) وعلى (شاب دمياطى محب للسوشيل ميديا ) يجلس ربيع بجوار على أمام شاشة التلفزيون الكبيرة فى المقهى ويقلب فى القنوات .


فإذا بعلوة يقول له :هات لنا القناة الاولى يا أستاذ ربيع ، وائل حريقة (يقصد وائل الابراشى ) جاى .. وقال أيه عملوا لها تطوير عشان يواجهوا إعلام الاخوان والجزيرة !!!
ربيع بعد أن جاء بالقناة الأولى يضحك ضحكات مستمرة يسمعها جميع من فى المقهى حتى المنشغلين فى لعب الديمنو ويقول : تطوير أيه ياعم ، آدى بدئنا التطوير وافتتاحية البرنامج هيستضيفوا محمد رمضان !!!!!!!!
ياعالم ياهووو تلفزيون الدولة الرسمى جايب عيل سرسجى فى البرنامج الرئيسى لتلفزيون الدولة !!! انت عارف يا عم علوة فاتورة الكهرباء اللي بدتفعها شهريًا ( فيها نسبة في فاتورة الكهرباء مخصصة لماسبيرو) الضريبة المفروضة وهي 2 مليم على كل كيلوا وات، ومتسمبه رسوم الراديو والتليفزيون ، ده غير أن كل الانتاج بيتم من ميزانية ماسبيروا اللى هى من ميزانية الدولة ، والدولة بتاخد مننا ضرايب وعوايد ووووو … وفى الآخر يقولك تطوبر والتطوير يجيب وائل حريقة ومحمد رمضان ؟
عودة وائل الابراشى إلى ماسبيرو قمة الفشل و الافلاس الاعلامى و تقدر تقول بهذا المنظر ماسبيرو يرجع للخلف ، المذبع والضيف رموز تدمير وتحطيم ما تبقى من قيم المجتمع المصرى ..
يدخل على فى الحديث بعد صمت طويل ونظر الى شاشة تلفونه المحمول يقول لهم : خلينا عمليين .. الناس دى بتضحك علينا بفلوسنا ومفروض إننا ما نتفرجش على الحلقه ونوصل رسالة للتلفزيون المصري : إحنا هنشاهد قنوات أخري
حتي لو وصل الأمر بإغلاق الشاشة من الساعة التاسعه مساء
يا جدعان ….التلفزيون المصري أكبر خاسر لمصدقيته أمام مشاهدينه
بما إن وائل الابراشى يستضيف محمد رمضان في التلفزيون المصرى و يستفز الناس ويدمر فى عيالنا وشبابنا بتصدير النوعية دى على أنها القدوة والفن
يبقى نفعل الهشتاج ده على الفيس وتويتر ياللا ياعم علوة هات تلفونك أما اكتبلك على الفيس بتاعك .. #مقاطعة_وائل_الابراشى نفسى أعرف المسؤول عن تطوير التلفزيون المصرى إنت فعلا عايز تطور وألا بتجرى ورا الترند اللى فى السوشيال ميديا؟؟

تجيب شاكوش فى الإستاد ، ومحمد رمضان فى الإفتتاح مع وائل الإبراشى؟؟؟
طيب ما الأفلام البورنو تجيب مشاهدين أكتر إيه رأيك ؟؟
دا لو شخص قاصد يدمر جهاز عريق زى ماسبيرو مش هيعمل أكتر من كده .
إنت بجد مسؤول ولا مزنوق ولا مزقوق ولا إيه بالظبط ؟؟؟

عن نافذة دمياط

اترك تعليقاً