طريق جمصة المنصورة .. طريق الموت ..

طريق جمصة المنصورة او طريق الموت .. من شوية حصل عليه حادث بشع زى ماانتم شايفين فى الصور.. ادى الى وفاة بنت فى ريعان شبابها واصابة صديقتها اصابات خطيرة ووفاة السائق .. الطريق ده انا واصدقاء ليا كنا ماشين عليه من فترة رايحين دمياط الجديدة ورجعنا من عليه .. مفيش عليه عمود نور واحد شغال .. والطريق ده لسة متجدد مابقالوش حاجة .. وكله ملفات خطيرة لو سرحت ثانية عليه هتضيع نفسك واللى معاك واللى حواليك .. في سؤال عايز اساله للسادة المسؤولين ليه الطرق مابترجعوش عليها الانارة تانى بعد ماتجددوها يعنى الطريق ده كان معظمه مضئ ليه مفيش الوقت اضاءة والحاجة الاخيرة هو ليه الاضاءة مابتكونش جاهزة من قبل مالطريق يخلص وتكون دى اول اهتمامات حضرات السادة القائمين على انشاء الطرق عشان اضاءة الطرق دى اهم من اى حاجة تانية .. وليه في طرق جديدة الخدمات والطوارئ قليلة او شبه منعدمة من عليها .. بنعمل طرق وحاجة حلوة قوى بس ليه مابنكملش الحلو عشان نحافظ على حياة الناس .. ربنا يرحم البنت والسواق قلبي حزين عليهم جدا مع انى مااعرفهمش ..ويشفي البنت التانية .. الطريق ده حرق قلوب اسر كتير من المنصورة ربنا يعافينا وينتقم من كل مهمل ومقصر

نقلا عن الصحفي مصطفي السطوحي،

عن نافذه دمياط

اترك تعليقاً