أخبار عاجلة

صندوق عطا الله .. ابتكار مصري ابن دمياطية

عشان تبقي فخور أنك مصري..

لما تقف قدام اي ماكينةATM ( ماكينةصراف آلي) خليك عارف ان اغلب الماكينات دي في العالم جواها حاجة اسمها Atalla Box او صندوق عطا الله, مين بقي عطا الله ده .. ده الدكتور محمد محمد عطا الله واحد مصري من أم دمياطيه واب بورسعيدى   خريج جامعة القاهرة هو اللي اخترع فكرة ال PIN كود اللي بتحطه في المكنة عشان تطلعلك فلوس..

المهم ان اختراع ال PIN كود رغم اهميته, الا ان دا ولا حاجة قدام الاختراع الاعظم اللي عمله عطا الله برده وقدمه للبشرية وهو اختراعه اللMOSFET ودا بالاختصار يعني اللي الحاجة اللي علي اساسها طلع مجال الاليكترونيات والتكنولوجيا والحاسبات والاجهزة الرقمية بكافة انواعها، والاقمار الصناعية وسفن الفضاء، كل الحاجات دي استخدمت الموفسيت بشكل أو بأخر، لدرجة ان مجال الاليكترونيات بيقسموه لمرحلتين، ماقبل الموفست ومابعده، ويكفي انك تعرف ان دا اكتر منتج تم بيعه في التاريخ بحوالي 13 سيسليون نسخة (رقم 13 وأمامه 21 صفر) ..

عطا الله كمان كان هو كان ماسك التيم اللي عمل ال LED Display اللي مشغلة اغلب الموبيلات والتليفزيونات دلوقتي, دا بالنسبة لمجال الالكترونيات, بالنسبة لمجال السكيورتي فيكفي انك تعرف انهم بيقولوا عليه ان هو الاب الروحي لمجال أمن وحماية المعلومات في العالم، اخر حاجة بقي ان عطا الله مهندس ميكانيكا اساسا مش اليكترونيات ..

دول الابطال الحقيقين اللي مفروض نفخر بيهم مش أبطال الكورة 

Total Page Visits: 43 - Today Page Visits: 1

عن نافذة دمياط

اترك تعليقاً