أخبار عاجلة

شاهد فيديو ..قصة #عادل_حبارة

قصة عادل فيها حاجات جميلة ووقفات.

أول حاجه في قصته، قصة حبه لزوجته الي اتصابت في حادثة قطار ادت لبتر في ايد ليها ويقال ان هو الي انقذها واحبها وتزوجها.

مفيش مرة هتسمع عادل حبارة بيتكلم عن زوجته، إلا وهتلاقيه بيتكلم باحترام وحب شديد خجول.

أنا كنت فاكر عادل حبارة وحش مخيف ويرعب، لكن في الفيدوهات الي شوفتهاله لقيته راجل بمفهوم أهل الزنزانة، راجل جدع بسيط مبيكذبش ومش بيحور، لو عمل حاجه بيقول انا عملت واخبط راسك في الحيط.

فاكرين فيلم هي فوضى؟ وقصة أمين الشرطة حاتم؟

الفيلم بقه ميجيش حاجه بجوار قصة عادل إلي ابتدت قبل الثورة، عادل كان ومازال شاب بسيط جداً بدء يلتزم في الصلاة و كان بيحضر دروس لمحمد حسان ، وفي مرة وهو راجع لمنزله وقفه أحد امناء أمن الدولة اسمه “علي أمين” في بلده وطلب منه بطاقته علشان يعمله ملف متابعة في أمن الدولة، ورغم استعطاف عادل حبارة له إلا أن الأمين رفض، فاتنرفز عادل حبارة عليه، وبعدها عادل سافر ليبيا للعمل علشان مش عاوز مشاكل.

النتيجة أن أمن الدولة راح بيت زوجته وهددوها وانها لازم تروح تسلم نفسها لضابط أمن دولة اسمه “عاصم”، وهو ماحدث.

فرجع عادل وراح سلم نفسه في أمن الدولة للضابط “عاصم”، وحكاله انه ملوش في حاجه وأن علي أمين امن الدولة هو الي مستقصده … وبعد التحقق من رواية عادل تم الإفراج عنه، مقابل انه يرجع يزورهم تاني بعد اسبوع ويبلغهم بأي معلومات عن اي حد ضد النظام.

طبعاً عادل مرحش، فعلي أمين “أمين أمن الدولة” راح حاطط اسمه بعد أشهر في حملة لأمن الدولة للقبض عليه، عادل مكنش في البيت لكن رغم كده، الأمن دخل على زوجته وانتهك حرمة البيت.

عادل اضطر انه يهرب للقاهرة ويحاول يعيش هناك ، لكن في مره اضطر يرجع للبلد في أبو كبير في الشرقية فصاحب جمعية اسمها المستقبل اسمه “السيد” شغال مخبر لأمن الدولة وهما عاملين ليه الجمعية علشان يجمع تبرعات تتصرف على المرشدين والمخبرين بتوع أمن الدولة، السيد ده راح مبلغ علي أمين إلى في أمن الدولة فجه يقبض على عادل حبارة ، فعادل حاول يهرب واشتبك معاه بمطوة لغاية لما ضربوه جامد قبضوا عليه.

عاوز تعرف أنا عرفت ده منين؟ انا عرفته من فيديو لعادل وهو بيحكي بصراحة وبيقول انا مش هينفع أكذب، اسمعوا الفيديو القديم ليه بيحكي قصته قبل الثورة:

قصة عادل كبيرة، بس عادل متغيرش ، وبصوا للفيديو ده وهو بيتكلم بعد اصدار حكم الإعدام عليه والي هيتنفذ خلاص:

عادل عنده بنتين صغيرين جمال، ادعولهم وادعوا لمامتهم ولباباه ووالدته.

* انا كتبت كل ده لأن ابسط حاجه أننا منخليهمش يشوهوا عادل حبارة، مش علشان ولاد عادل حبارة بس .. لا، بل علشان التاريخ وعلشان أنا وأنا بتفرج على عادل شفت فيه الشاب البسيط الأرزقي على باب الله، الجدع.

انشروا قصة عادل حبارة، إلى ابتدت بخناقة مع أمين شرطة في أمن الدولة قبل الثورة واستقصاد من بعدها لغاية لما هينفذوا حكم الإعدام.

* ملحوظة: عادل حبارة اتقبض عليه مش بس ايام مبارك لا عادل كمان اتقبض عليه أيام مرسي ، ودلوقتى هيتعدم في عهد السيسي.

عادل اتظلم كثير ومن المجتمع كمان إلى شوهه، عادل بإختصار هو قصة خناقة وتلفيق قضية من أمين شرطة أمن دولة.

تشويه اعلامي وتحريض :

عن نافذه دمياط

اترك تعليقاً