الرئيسية / أخبار عاجلة / شاهد عيان : تفاصيل ما حدث في جلسة د مرسي اليوم

شاهد عيان : تفاصيل ما حدث في جلسة د مرسي اليوم

#الرئيس_مرسي_شهيدا#محمد_مرسي 1- دكتور مرسي كان عنده جلستين اليوم جلسة لقضية التخابر مع قطر وجلسة أخري لقضية الهروب واقتحام السجون أمام القاضي شيرين ربنا ينتقم منه
2- المحامي الخاص بدكتور مرسي اسمه تقريباً كمال غير مسموح له بمقابلته نهائياً .. وبدأ في الترافع وطالب ببطلان المحاكمة وهكذا ….والمحامي قال انه د مرسي معاه حقيبة ( يقصد أسرار ) ولازم يتعمل له محاكمة خاصة للحديث عنها … ود مرسي طلب الكلمة بعدها
3- قبل ما يتكلم د مرسي … د صفوت حجازي و د عصام الحداد طلبوا إن الجلسات متكنش كل يوم لانها كبار في السن تعبانيين وبييجوا من 7 الصبح للعشاء بدون دواء ولا اكل وبيقعدوا علي الأرض .. وقالوا الاسبوع الماضي د رشاد بيومي جاتله زبحة صدرية بسبب الإهمال الطبي والتعب كل يوم في الجلسات .
4- د مرسي بدأ كلمته وقال أنا معايا حقيبة فيها تفاصيل مهمة والمحامي نفسه ميعرفش التفاصيل اللي فيها لانه ممنوع من التواصل معايا
5- د مرسي كمل كلامه عن الحقيبة وقال الحقيبة فيها معلومات هامة ولازم أتكلم قدام الجهات المختصة وطالب بمحكمة خاصة .. وقال هحافظ علي الأسرار اللي فيها لغاية ما أقابل ربنا ( والراجل فعلاً أهو صدق ) وأنا طلبت كذا مرة كده بدون إستجابه
6- د مرسي قال بعدها ..بصوت في تعبت وبحه شديدة …( بلادي وإن جارت علي عزيزة……وأهلي وإن ضنوا علي كرام)
6- وقام شيرين علي صوته عليه وقاله انت هتقعد تخطب
8- القاضي المجرم رفض طبعا طلب تأجيل الجلسات وعدم جعلها يومياً وقال في جلسة بكرة
9- فجاة سقطت د مرسي واللي معاه في الجلسة كله قعد يخبط علي القفص و يصوتوا والامن طلع كل الاهالي بره والدنيا إدربكت جامد
10- جت عربية الاسعاف أخدت د مرسي وعندما وصل للمحكمة توفاه الله
الجدير بالذكر هنا إن د مرسي عنده السكر وواحد عنده السكر تمنع عنه الدواء هيموت بالبطيء وش … و هيوامن رايتس واتش في تقرير لها من عامين طالبت بتحسين الرعاية الصحية للدكتور مرسي .. ( تقرير هيوامن رايتس ) …. يعني إحنا أمام جريمة قتل مكتمله الأركان … إهمال الرعاية الصحية في السجون دي جريمة كاملة … علشان كده لما بنقول #السيسي_قتل_مرسي ده فعلاً حقيقي .
علشان الناس اللي بتسأل عن المصدر المصدر من حد كان جوا المحكمة وشاهد عيان علي كل كلمة والتليفزيون المصري قال رواية مماثله للرواية دي مع اختلاف الصياغة .
رحم الله الدكتور مرسي … عاش بطلاً ومات حراً شهيداً

عن نافذه دمياط

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *