تحضير الكلور كمطهر قوي وفعال

لاحظت وجود اسئله كثيره جدا عن الكلور في التطهير لذا فيه شوية معلومات مهمة عن الكلور لازم نعرفها لما نستخدم الكلور في تطهير الاسطح في البيت🏘 او في الشغل

١ ) – الكلور فعّال جدا في القضاء على معظم الميكروبات و مفيش منه مقاومة حصلت من الميكروبات لتأثيره المطهر.
٢ ) -الكلور غير مستقر و عشان كده لازم نحضره قبل الاستخدام علي طول، و بيكون التحضير يومي لأنه مش بيقعد اكتر ٢٤ ساعة.
٣ ) -الكلور بيتفاعل مع الضوء (photosensetive) ، عشان كده بيجي في زجاجات معتمة، غير منفذة للضوء، و عشان كده لازم نحضره في بخاخات غير شفافة.
٤ ) -الكلور بيتفاعل مع اي مواد تُضاف ليه، يعني لو اتضاف لمواد حمضية زي الفلاش هينتج عنه غاز الكلور السام ووده بيسبب اختناق، و لو اتضاف علي مواد قاعدية زي الصابون هيتلغي تأثيره المطهر.
٥ ) -الكلور بيستخدم لوحده🧐 بدون اضافة اي مواد معاه.
٦ ) -الكلور بيسبب تهيج للجلد و الاغشية المخاطية، عشان كده من الضروري لبس جوانتي عند تطهير الاسطح.
٧ ) -الكلور المتوفر في السوق، تركيز المادة الفعالة فيه اللي هيي الهيبوكلوريت بيكون اقل من ٥.٢٥٪ و افضل تركيز ممكن نحضره هيكون اضافة ١٠٠ مل من الكلور ل لتر ماء. (مكيال كلور ل ٩ مكيال ماء).
٨ ) -الكلور مادة متطايرة و من الضروري عدم تركه في اناء او حاوية مفتوحة و معرضه للجو، الكلور اصلا غاز. 🧐 و هيطير.
٨ ) -الكلور يتحضر في بخاخة و نمسكها بايد و في الايد التانية قطعة قماشة من الافضل تكون مش وبرية و نظيفة طبعا و نكون لابسين جوانتي، و يتم استخدام البخاخة علي الاسطح المحتمل تلوثها و التطهير بالقماشة في اتجاه واحد.
من المهم غسل اليدين بعد عملية التطهير بالمياة و الصابون.
و الاسطح اللي من المهم تطهيرها هي الاسطح المشتركة في العمل و مقابض الابواب و اسطح المكاتب.
و من الضروري ان الاسطح تكون نظيفة و مش عليها تراب.

#دمتم سالمين معافين بإذن الله د / أحمد عريف مدير عام التثقيف الصحي والتوعيه بمديريه الصحه بدمياط