أخبار عاجلة

الكوميديا السوداء

#أم_الصابرين

الشاب اللى فى الصوره ده اسمه ” وليد طلعت فهمي ” من محافظه الاسكندريه
من كام شهر كدا الموتوسيكل بتاع وليد اتسرق فَ راح عمل محضر فى القسم..
بعد فتره الشرطه لقت الموتوسيكل مرمى فالشارع فَ الطبيعى و فى الامور اللى زى دى المفروض بييجى امين الشرطه وبيدور فى المحاضر القديمه عن الموتوسيكلات المُبلغ بسرقتها ..
ولما بيلاقى المحضر الخاص بالموتوسيكل بيتواصل مع صاحب الموتسيكل ويبعتله ويقوله مبروك حضرتك احنا لقينا الموتوسيكل بتاعك فَ تعالى حالا عشان تستلمه، بس طبعا ده محصلش
اللى حصل ان ” وليد ” راح صدفه يشوف الموتوسيكلات المحجوزه فى فناء المرور وفعلاً لقى الموتوسيكل بتاعه واقف منور ، “وليد” فرح جداً ودخل بسرعه لِ” وحده الايواء والحجز ” بِ مرور الاسكندريه وقالهم عاوز استلم الموتوسيكل بتاعى اللى كان مسروق وواضح انكم لقيتوه وقالوله : انت تؤمر ياحبيبى عنينا ليك طبعا ، بس حضرتك الموتوسيكل بتاعك واقف عندنا بقاله شهرين
فطبقاً للقانون المصرى وبحسبه بسيطه : الموتوسيكل كده يبقى عليه ٣٦٥٠ جنيه بس !
قالهم لاء انتوا غلطانين اكيد ،لان انا دافع كل حاجه ومستحيل يكون عمل مخالفات فى خلال فتره السرقه بالمبلغ ده!
قالوله : مخالفات !!! و مين يابنى قال مخالفات بس .
دى مش مخالفات دى حاجه اسمها ” مصاريف إيواء” للموتسيكل بتاعك عندنا فى الوحده ومش ذنبنا انك مش عارف القانون 🙂
قالهم ايواء ايه بس ؟ هو انتوا كنتوا بتاكلوه وتشربوه و ترضعوه ؟
قالوله اعتبرنا كنا بنعمل كده و دلوقتى بنطالبك ب نفقه الموتوسيكل.
قالهم طب مدام وصلت لكده يبقى بينى وبينكم محكمه الاسره وسابهم وخرج .
” وليد ” خرج من المرور مهموم والدنيا اسودت فى وشه فَ عقد العزم على خطوته الجاه وهيا الانتحار!
وليد دخل مبنى المحافظه فى اسكندريه وطلع لحد السطح، وقلعلهم بلبوص?.
وقالهم هرمى نفسى لو مسلمتونيش الموتوسيكل حالا، فَ امن المحافظه بلغ محافظ الاسكندريه ان فى واحد قالع بلبوص و واقف فوق عالسطح و عاوز ينتحر وهيعملنا مصيبه فى الاعلام ، المحافظ طلعله ٤ اشخاص وبعد فتره من التفاوض بين ” وليد وبين المحافظ ”
وليد لبس هدومه ونزل، واخد الموتوسيكل بتاعه ،
وروح بيت و مدفعش جنيه!
وليد انسان ايجابى و بدا اول يوم فى ” ٢٠١٧ ” بأستيراتيجيه مختلفه وبفكر جديد يُحسد عليه الصراحه .
وليد انسان ذكى, فكُن مثل وليد وكل لما تتزنق اقلع، هااا اقلللع …

عن نافذه دمياط

اترك تعليقاً