أخبار عاجلة

الغارمين يا أهل الخير بدمياط بالشهر الفضيل

يا اهل المال والاعمال بدمياط الحبيبة احنا فى موسم الصادقات والزكاة ومن ضمن مصارف الزكاة (الغارمين ) الغارمين دول الى فعلا يستحقوا واحد كان شارى مكنة مثلا cnc واتحرقت منه ومعدش عارف يسد ولا يصلح او يعوض الى خسره فى الحريق وكان ماضى كمبيلات واتحبس ده اسمه غارم
سواق وشارى عربية قسط وعمل حادثة واتحبس على اقساطها ده غارم انما الى بنشوفه
من نساء ورجاله مشوارين بناتهم بال200 الف و300 بالدين والشيكات عشان فشخرة فى جهاز وشوار ايشى فوط وغسالة اطباق وشاشة اخر موديل ووو وكل ده وميقدرش يسد ويدفع ويقولك سدوا عنى اصل غارم
الي يتفشخر يبقى من جيبه مش تاخدوا قرض بوصلات أمانة ولما ماتلاقوش تسدوا وهتتسجنوا تعيطوا وتاخد من فلوس الصدقات والزكاة، في ناس مش لاقية تاكل اولى بيها الغارم الحقيقى وباقى مصارف الزكاة اولى من سداد ف فلوس النجف والنيش والصيني
وكمان بنشوف مساجد واهل خير بقعوا فى غلط كبير
تحت مسمى نيجي نجمع لعروسة فتلاقى العروسة تقولك متكسروش خاطرى
لا عايزة تلاجة ب 10 الاف مش ب 5 عشان اهل خطيبي مايعايرونيش
لا انا عايزة لحاف بكام الف عشان ماحدش يقل مني
ي اهل الخير يااهل المال والاعمال
ضع صدقتك فى مكانها الصحيح

Total Page Visits: 10 - Today Page Visits: 2

عن نافذه دمياط

اترك تعليقاً