الشكلمة الدمياطي وطريقة عملها

الشكلمة  بطريقة ومقادير مظبوطة

كوبايتين جوز هند
كوباية من السكر البودرة
6 معالق ك لبن بودر
اتنين بيضه
معلقة ك سمنة او زبدة
معلقة كبيرة من دقيق السيمولينا بتاع البسبوسة
معلقة صغيرة فانيليا
رشة ملح

الطريقة

هنضيف البيض على السكر البودرة والفانيليا ورشة الملح وهنخفقهم كويس
هنضيف معلقة الزبدة او السمنه وإحنا بنخفق ونضيف معلقة دقيق السيمولينا
وبعدين نضيف جوز الهند ونقلب كويس
آخر حاجه بنضيف اللبن البودرة ونقلبه كويس

هنشغل الفرن على حرارة 180 ونسيبوا يسخن على ما نشكل الشكلمة
هنحطها على ورق زبدة فوق صاج او صينية
وممكن احشيها اى مكسرات حسب الرغبة

هندخلها الفرن على الرف الأوسط لمدة 10 دقايق مش اكتر من كده
بنخرجها ونضيف على وشها مربى او شيكولاته سايله او اى شئ حسب الرغبة
وخلاص كده بالهنا والشفا