أخبار عاجلة

السعودية و أمريكا و… الخلافة الإسلامية

نافذة_دمياط | السعودية و أمريكا و… الخلافة الإسلامية
لو عايز تعرف ليه بيحاربوا جماعة الاخوان ومشروع الخلافة الاسلامية شوف اللي بيحصل في السعودية النهاردة ..
السعودية بتدفع مئات مليارات الدولارات لأمريكا في صفقات سلاح وبترول وغيرها مقابل الحماية والرضا الأمريكي .. وبكره باقي دول الخليج كمان ..
ده بيحصل لأن دول العالم العربي والاسلامي مفككة ومنفصلة .. لو قامت دولة الخلافة الاسلامية اللي بيحلم بها الاخوان والتيار الاسلامي سيتحول العالم الاسلامي الى قوة كبرى عالمية .. تبقى زيها زي الغرب والصين وأقوى كمان ..
مايقدرش حد يبتز دولة اسلامية مقابل الحماية لأنه لو تعرض أي جزء من دولة الخلافة لخطر ستتحرك كل جيوش الدولة لحمايته ..
يعني لو جزيرة العرب تعرضت لخطر ستتحرك جيوش مصر والشام وباكستان وتركيا وغيرهم لحمايته .. يبقى كده خلاص مافيش قوة خارجية تقدر تبتز الدول الاسلامية .. وفي نفس الوقت مئات مليارات الدولارات اللي دفعتها وبتدفعها الخليج للغرب مقابل الرضا عنهم وحمايتهم ستتجه للاستثمار في باقي الدول العربية والاسلامية اللي هي أقاليم وولايات الخلافة .. وبالتالي تنتعش اقتصاديا وماتقدرش دول الغرب أو صندوق النقد الدولي تبتز دولة زي مصر مثلا ..
ببساطة لو حدثت الوحدة الاسلامية لن توجد دولة اسلامية ضعيفة ولا فقيرة .. لأن القوي سيحمي الضعيف والغني سيساعد الفقير ..
وممكن تظهر عملة موحدة تنافس الدولار .. وبدلا من شراء السلاح من الخارج ممكن الاستثمار في صناعات السلاح المحلية وننتج سلاحنا بأنفسنا ..
علشان كده القوى الدولية الكبرى ووكلاؤها في الداخل بيحاربوا فكر الخلافة ويشوهوه ويقولوا انه رجعية وينشروا بين العرب والمسلمين دعوات الانعزالية والانقسام والعلمانية وعايزك تتعصب لحدود صنعها الاستعمار وتنسى انك جزء من أمة أكبر ..
في الوقت اللي أوروبا بتعمل اتحاد أوروبي وأمريكا أكثر من خمسين ولاية متحدة وروسيا اتحاد فيدرالي والغرب متحد عسكريا في حلف الناتو ..
علشان كده القوى الدولية وعملاؤهم بيحاربوا أي مشروع لوحدة اسلامية ..
وعلشان كده بيحاربوا ويشوهوا جماعة الاخوان لأنهم أصحاب مشروع وحدوي اسلامي ممكن يعمل نهضة وقوة للعالم العربي والاسلامي كله !!

عن نافذه دمياط

اترك تعليقاً