أخبار عاجلة

إصابة طبيب بمستشفى عزل بلطيم بالعمى بسبب إرتفاع الضغط وإرهاق العمل وضياع فرصة إنقاذه لضعف إمكانات الطوارئ

ده الدكتور “محمود سامي”
دكتور بمستشفى عزل بلطيم، والمسؤول عن حالات الكورورنا.. والمفروض أنه زي ما الدوله والاعلانات أطلقت عليه أنه جندي في جيش مصر الأبيض..
طيب الجندي ده حضرتك زادت عندهم الحالات في المستشفى ، واضطروا أنهم يقعدوا 6 ساعات زياده تحت لبس العمل اللي في الصوره قدامكم ده، وده أثر على د محمود أنه لما روح حس بإجهاد شديد جدا رفع عنده الضغط..
وطبعا زملاؤه عملوا اللي يقدروا عليه علشان ينزلوا الضغط إلى أن فقد وعيه تمامآ وحبو ينقلوه الحامول!!
طبعا مكنش في مكان..
حولوه للعنايه بمستشفى الصدر بكفر الشيخ، وطبعا كان يوم جمعه!! وكان لازم يعمل أشعه بس لك أن تتخيل أننا في أيام الطوارئ دي ودكتور زي ده يتقاله المستشفى العام أجازة!! والكلام وصل للمسؤولين طبعا ومحدش عمله حاجه..
الدكتور محمود فاق من وعيه وللأسف فقد بصره!!
اه والله زي مبقولك كدا.. نظره راح وراحوا بيه الرمد ومحدش فاده والموضوع زاد وأثر على رجله!!
ولكن لما راحوا بيه لدكتور خاص في القاهرة قاله في أمل، بس الله أعلم هتاخد وقت قد ايه وده نفس الكلام من دكتور فى اسكندريه اللي ليهم كل الشكر طبعا على اهتمامهم .. 
السؤال هنا 
.. دكتور زي ده ميستحقش عربيه إسعاف مجهزة تنقله؟!
.. دكتور زي ده ميستحقش يكون ليه مكان نضيف زي مستشفيات الجامعه او القوات المسلحه؟!
.. دكتور زي ده ميستحقش يجيله دكاتره على مستوى حالته تشوفه وترعاه؟!
.. مصاريف علاجه ميستحقش تكون من الدوله ومن داخل المستشفى؟!
هو احنا مش في طوارئ ولا الطوارئ ليها ناس وناس؟!
دي عينه من معامله الدوله ووزارة الصحه مع دكتور سايب أهله بالشهور علشان حبه لمهنته و مساعده الناس .
متخيل لو الدكتور ده كان شخصية سياسية
طيب متخيل لو كان ممثل ولا مغنى!!!!
لسه محدش عايز يتعلم

ده الدكتور "محمود سامي" دكتور بمستشفى عزل بلطيم، والمسؤول عن حالات الكورورنا.. والمفروض أنه زي ما الدوله والاعلانات…

Gepostet von Ашраф Ќарем am Mittwoch, 13. Mai 2020

عن نافذه دمياط

اترك تعليقاً