نافذة دمياط نافذتك على أخبار وجديد محافظة دمياط
دي شكوى بسمعها كتير لان الولد ده متعودش على الحزم في المواقف الغير مقبولة والأسباب كتير ولكن دورك في الموقف ده الأهم مهم تكوني انتي القائدة انتي اللي عندك السلطة واليد العليا وده بييجي بتدريبك قولي لابنك ده سلوك غير مقبول اللغة جديدة عليكي .. عارفة متعودين نقول بس يا حبيبي بس يا بابا أو متقولش حاجة أو نزعق وصوتنا يجيب آخر الدنيا كل ده بدون فايدة هيتطاول عليكي. . وهيضربك.. وهيزقك .. ويضرب أخته أو اخوه ايوة زي ما بقولك كده ابدئي حطي حدود واضحة وحازمة ابدئي قولي ده سلوك غير مقبول مش هسمح بيه كومنتات كتير بتقول وهو كده يعني هيسمعني ؟؟؟ قولتلك : دي لغة جديدة محتاجة انتي تصدقيها وتصدقي نفسك ان انتي مش موافقة على السلوك ده وغير مقبول بالنسبة ليكي وتكوني حازمة في ردك قدري واحترمي ( نفسك ) واقبلي ( السلوك الصح ) وارفضي ( السلوك الخطأ) رفضك للسلوك الخطأ مش معناه رفضك لابنك ارفضي السلوك فقط علشان كده قولتلك هتقولي انه السلوك ده غير مقبول .
