أخبار عاجلة

إبنك رقم في الهامش يا بلادي لكن عند الله عظيم

24 بنت وولد.
اعمارهم صغيره .
راكبين عربية ربع نقل مفتوحه ، محشورين فيها زي السردين .
مش ذنبهم انهم طالعين سعي علي أكل عيشهم ، بيشتغلوا في مزرعة فراخ في قرية القطا ب منشأة القناطر الجيزة، بينضفوا المزرعه ويجمعوا البيض يحطوه في اطباق .
يومية الواحد فيه 25 جنيه .
السيارة في طريقها لازم تعدي علي معدية، وفي لحظة انزلقت وسقطت في النيل .
وفوق منها الأولاد والبنات إللي في عمر الزهور ، مشافوش في حياتهم غير الشقي والتعب .
لا طفولة ولا تعليم ولا صحة ولا حتي دخلوا مدارس .
اتولدوا في الهامش ، وماتوا وإتحولوا لمجرد رقم ضحايا .
غرقوا كلهم ، وغرقت معاهم ال 25 جنيه اليوميه .
ربنا يرحمهم و يصبر اهلهم .

Total Page Visits: 43 - Today Page Visits: 1

عن نافذه دمياط

اترك تعليقاً