نافذة دمياط نافذتك على أخبار وجديد محافظة دمياط
أنباء عن 8 وفيات بكورونا بين معلمى دمياط .. وتعليم دمياط تنفى بتوجيهات تحذيرية
ومعلمون: الأعداد اكبر من ذلك بكثير.. “أرواح الناس اللي بتموت دي واللي لسه هتموت في رقبتكم ..حسبي الله ونعم الوكيل”.
تداولت احصائيات غير رسمية اليوم حول أعداد الإصابات والوفيات والمتعافين من فيروس كورونا بين الطلاب والمعلمين منذ بدء الدراسة حتى أواخر نوفمبر.
وكشفت الإحصائية إصابة 5 طلاب و162 معلما ومعلمة
وبلغت نسبة الشفاء وفقا للإحصائية تعافي 3 طلاب و 118 معلما ومعلمة، فيما بلغ إجمالي الوفيات 8 وفيات بين المعلمين، فيما لم يتم تسجيل أي حالة وفاة واحدة بين الطلاب المصابين
من جانب آخر نفى تعليم دمياط هذه الأنباء مدعيا أنها لا تمس للواقع بأية صلة.
بينما جاءت تعليقات معلمى محافظة دمياط بأن الأعداد أكبر من ذلك بكثير متهمة تعليم دمياط باخفاء الحقائق وتعمد اخفاء الحقائق
وننقل لكم بعض تعليقات المعلمين من داخل مدارس دمياط:
– فعلا الخبر غير صحيح لان الاعداد اكبر من كده بكتير و المسؤلين مستنين مصيبه تحصل علشان يعلنوا وان شاء الله المصيبه هتبقى فيهم علشان سياسه التكتم دي مفيش فيها اي مصلحه غير انهم عاوزين يحصلوا فلوس وخلاص لما تتصابوا وتقابلو وجه رب كريم هتعرفوا ان الله حق
– ده انتوا اكبر كدابين المدارس كله مليانه كورونا ليه بتخبوا اكتر اصابات حاليا في المدارس حالات وفاه واصابات بالفيرس ربنا ينتقم منكم يااارب ذنب الاولاد في رقبتكم
– طيب وبالنسبة لاعداد المصابين من المدرسين اي النظام 😀 هو المدرس خلاص مبقاش يساوي شئ عند الحكومة
اتقوا يوما ترجعون فيه الي الله
– كذابين والله وجايلكوا قرار بالتعتيم وبجد مش مسامحينكوا ويوم القيامه هنقتص منكوا وحسبي الله ونعم الوكيل
– بجد طب احلف طب و مدرسه التجريبيه اللي توفت ومدرس صلاح الدين الايوبي كل ده كذب مدرسه مدرسه 6 اكتوبر حرام عليكم ارحمونا بقى اتقوا يوما ترجعون فيه الى الله
– حسبي الله ونعم الوكيل فيكو…. ولما زميلنا في المدرسة يتصابو وتديهم اجازة اعتيادي بالخصم علشان مياخدوش تقرير ياكد الإصابة ولما زوج زميلة يتحجز عزل وهي تنزل وتيجي وسط العيال عشان خايفة يتخصم منها ولما يجي تنبيهات من الإدارة التعليمية أن لو في اي حالات إصابة ف المدرسة طلبة روحوهم لما يخفوا ولو مدرسين سكتم بكتم علشان متهيجوووش أولياء الأمور الأمر مش مستااااهل
الله يلعنكم في كل كتاب ودين وملة…. حسبي الله فيكم ع الرعب اللي بنعيشه كل يوم لما انام وبتمني الصبح ميجيش علشان منزلش المدرسة واركب مليون مواصلة وارجع لاولادي وأهلي بمرض يؤذيهم
– مستشفيات دمياط كلها مفيش فيها مكان للناس المريضه زاجهزه التنفس معدومه اتقو الله شويه كمان هنضحى باولادنا فعلا مدارس دمياط فيها حالات وكمان مفيش تطهير زى مدرسه النصر بطلو كدب
– اللى هو ازاى يعنى احلفوا كدا مدرسه التجريبيه وصلاح الدين والجمرك والمنتزة نكمل اسماء المدارس ولا كدا كفايه والمدرسين اللى اتوفا دول اى الحالات بتزيد بطريقه رهيبه
– انتوا بتضحكوا ع نفسكوا ولا بتستهبلوا ما احنا بنشوف وعارفين ان المدارس مليانة طلبة ومدرسين والمدرسة ال بيظهر فيها مبتتقفلش زي ما قولتوا ان اي حالة هتظهر ف مدرسة المدرسة دي هتتقفل
لما تطلعوا خبر كذب زي دا وتخلوا الناس تستهون بالوضع الي في دمياط وضواحيها يبقي حسبي الله ونعم الوكيل
