أخبار عاجلة

أنا كمواطن مصرى .. فكر خارج الصندوق

انا كمواطن مصرى ..
مطلوب منى اتبرع بفلوسى لمستشفى السرطان القديمة ، و الجديدة ومستشفي ٥٠٠٥٠٠ ، ومجدى يعقوب ، والحروق ..
واتبرع بهدومى لبتوع رسالة ، واتبرع بأكلى لبنك الطعام ، واطلع شنط رمضان ، واطلع ذكاة الفطر ..
وادفع ضرايب ، ودمغة ، وكارتات ، ورشاوى ، واكرمش عشرينات ، وكمان اوصل مواسير مية عشان الست الغلبانة متشربش مية بطحالب ومدام دلال متقرفش ..
واستحمل بردو غلاء الاسعار ، والبنزين ، والزيت ، والسكر ، والرز ؛ والبامبرز …
وفى نفس ذات الوقت اشترى فيلا فى القطامية ، واحجز فى ماونتن ڤيو قبل العرض ابو 3 مليون ما يخلص ..!!
طيب نفكر خارج الصندوق يا جدعان شويه عشان والله الصندوق اتعبى عك للأخر خلاص ..
الدقيقه الإعلانيه كانت من 5سنين ب ١٠٠ الف يعنى اعلان فودافون او غيرها لو اتذاع ٥ مرات فى اليوم بمليون من غير أجور الفنانين اللى فيه (ده من 5 سنين) ، وأجور الفنانين فى اعلان اتصالات ٢٠١١ بتاع يسرا و محمد منير كان ٣٥ مليون جنيه …
يعنى كل شركة من شركات المحمول ممكن تكون صرفت فى رمضان فقط خلال السبع سنوات اللى فاتوا ٢٠٠ مليون للدعايه و اتخصموا من ضرايبها كمان ..
الأفضل لينا كمواطنين والأفضل لشركات الاتصالات وللدوله كان ممكن يبقى عندنا ..
مستشفى فودافون للاورام
ومستشفى اورانج للحوادث
ومركز بيبسى كولا لزرع القوقعه للاطفال الصم
ومستشفى اتصالات لابحاث امراض الكبد
ويحطوا اسمهم على المستشفى و على تذاكر المرضى و على بالطوهات الدكاتره وعلى علب الدواء كمان ويكتب لهم قصور في الجنه أو اضعف الإيمان يتم تحسين الخدمه بالفلوس دي كلها !!

#منقووووووول

عن نافذه دمياط

اترك تعليقاً