أخبار عاجلة

أحمد عارف المتحدث الإعلامى للإخوان يعنى حاجات كثير!

#نافذة_دمياط احمد عارف المتحدث الإعلامى للإخوان يعنى حاجات كثير!
احمد عارف..يعني حاجات كتير:
١-يعني يبقي قاعد في العقرب واللي فيه مكفيه والزياره دقائق معدوده ومن ورا سلك..وماينساش يقول زوجته هاتي علبةشوكالاته وكتاب عن متشابهات القران ووصليهم لعلي هديه علشان ختم القران..!
٢-يعني مهما كان مشغول ووراه مسئوليات وانت عايزه في امر شخصي لا يعنيه في شئ فيرد عليك الرد المعتاد:اصلي معاك الفجر فين يا حبيبي!!..وانت عارف انه مانامش بالليل غير ساعتين وعنده موعد الساعه ٨..!!
٣-احمد عارف يعني يروح يقعد ساعتين مع مجموعه من معاشات المساجد يسمع كلام علي حد تعبيره يسم بدنه علشان يدافع عن حق شبل عنده ١٢سنه انه يعتكف في المسجد يمكن ده يفيده في حياته.!
٤-احمد عارف يعني طبيب اسنان ماهر جدا.ومحدث ضابط جداومحقق شرعي مركز جداورائد في العمل الخيري خبره جداومصلح اجتماعي صبور جدا..!!
٥–احمد عارف كنا بنقوله انت يومك في٣٦ساعه مش٢٤..
٦-احمد عارف يعني درس صحيح البخاري بعد الفجر يحضره شباب اخوان مع شباب سلفي مع شباب تبليغ مع شباب لها ميول صوفيه مع شباب مالهاش اتجاه عايزة تفهم دينها وبس والكل يقعد ادامه قعدة التلميذ ادام الاستاذقعده كلها موده وحب بعدها الدكتور يعزم الجميع عالفطار علشان يكمل التعارف..!!!
٧-احمد عارف يعني يفضل ساعتين يسمع لطفل صغير ١٠سنين بيحكيله قصص وحاجات وهو بيسمعها في صبر ويوجهها الاتجاه اللي بيفيده..رغم انه ممكن يكون خيال اطفال..!!
٨-احمد عارف يعني كرسي ابيض ادامه حامل مصحف مايفارقوش طول ١٠ايام اعتكاف كانهم جزء واحد ويبجي ولد صغير يستغل ان الدكتور راح يعمل حاجه فيقعد علي الكرسي ويقرا في المصحف ويقول بفرحة طفل صغير ركب حاجة كبيره:انا قعدت علي كرسي د.احمد..!!
٩-احمد عارف يعني قصص الانبياءيعني شنطة التبرعات يعني مشروع الوجبات..يعني دروس الحديث..يعني اسلم سلمه الله يعني اعمل للاولاد مسابقه في سورة لقمان وهاديك فلوس تجيب جوايز.يعني ذبيحة الفقراء!!
١٠-يعني قول الاذكار يا عمر وارفع صوتك صحي الناس النايمه يعني جمع الناس وياللا ندعي يعني ياللا نكلم الناس حوالين اشرف فرغلي عن ربنايعني انا عازمكو علي الفطار.يعني عايزين نعمل قافله طبيه
١١-يعني هزار جميل وانت قاعد ادامه علي كرسي السنان علشان يخفف عنك الالم..يعني عشرات الطلبه الماليزيين يتعالجو عنده في العياده باسعار زهيده جدا خدمه لطلبة العلم..يعني حاجات كتيير
هيرجع احمد عارف وهترجع قصص الانبياء..
#الحريه_للمعلم
#الحريه_للاسطوره
منقول

عن نافذه دمياط

اترك تعليقاً