متفاءل ف رحمه ربنا

راكبة القطر راجعة القاهره .. فلقيت راجل واقف هدومه مقطوعه و متوسخه جدا و عمال يتكلم بصوت عالى و يقول كلام مكنتش فاهمه الاول لكن لقيت الناس مركزه معاه ف انتبهت انا كمان لكلامه .. الراجل بيقول كلام ف الحياه صح جدا و احاديث عن سيدنا محمد (صلى الله عليه و سلم) و تفسيرها بمنتهى الروعه و الكل مستمتع بجد و كمان دمه خفيف و بيضحك مع الناس .. ف فضول الصحافه نط ف اللحظه دى و قالى قوم اتكلم معاه و اعرف هو مين؟ .. #الصدمه ->

اسمه ا. امين محمد امين الصغير .. و كان بيشتغل (امين معمل بمدرسه محمد حسن العبد الثانويه بدمياط) و ده بعد الاطلاع على بطاقته بنفسى و عينى .. و تم اقالته (السبب تحت) .. عمره 65سنه .. كان متزوج و انفصل و ربنا لم يكرمه باطفال .. ال حصله ده بسبب اخواته عشان موضوع الورث و ان ابوه الله يرحمه كان بيميزه عنهم و اول ما توفى الوالد رموه ف الشارع لانهم كتبوه ع ببع نصيبه تحت التهديد .. و هو بيحكى قعد يبكى على حاله و والله والله والله كان بيدعى يقول ربنا يهديهم لنفسهم و لعيالهم و ليا .. و قال ان حياته بعد وفاه والده ف الشارع و بيركب قطرات عشان يفيد اكبر عدد من الناس من كلام الله عز و جل و احاديث سيدنا النبى عليه افضل الصلاه و السلام بعد ما تم اقالتى بسبب اخويا ال كان مدير المدرسه ال كنت بتشغل فيها و كان بيكتب فيا تقارير عشان اتفصل و اترمى ف الشارع و فعلا حصل كده بعد ما كنت شغال ف المدرسه فتره كبيييره اوى .. ف انا عرضت عليه انى اساعده بأى شكل .. رفض و قالى ال منسنيش من يوم ما اترميت ف الشارع .. مش هينسانى ابدآ و الحمد لله .. و والله وهو بيحكيلى انا بكيت و مكنتش متخيل ان النفوس بقت كده خلاص
هو ايه ده؟ ايه الزمن ده؟ الفلوس تعمل كده يا جدعان ف الاخوات؟ الفلوس بقت الفاصل بين الكل؟ ايه ده يا جماعه؟
#ملحوظه بس:- عم امين ف الصور دى كان بيضحك و بيضحك كل ال حوليه و مكنش بيعيط و بيقولى انا متفاءل ف رحمه ربنا.
#منقووول

#امين_محمد_امين_الصغير