أخبار عاجلة

يوميات …#نجار_مطحون

#يوميات


#نجار_مطحون
من زمان حوالي 20 سنة كده
كنت الصبح اجيب سندوتش فول من عند وهيبه
ب50قرش “نصف جنيه” للي ميعرفش القرش
واروح القهوة يجيب كوباية مياه مع الأكل
وبعد الأكل كوباية شاي مع كوباية مياه
وتدفع الربع جنيه المتين وتروح عالورشة
البنك جاهز وحاجتك مجهزها من بالليل قبل ما تروح
بسم الله ..
ولعت ع الغراية يا بني .. مش كل حاجة بالغيرا البيضا
لازم شوية غيرا جيلاتينة عشان الطبلية الزان تشد معانا بسرعة!
نرتب حاجات اليوم ايه اللي هيخلص قبل الغدا وايه اللي بعد الغدا
ولازم نحدد السهرة هتبقى ازاي”عشان منزعلش الناس واحنا سهرانين”
مش عايزين حاجة فيها خبط ورزع بالليل
روح المكنة احجز لنا الحلاية كمان ساعتين وشوف المنشار عشان نقطع حاجاتنا
وبص ع التخانة عشان نخلص المنشار وبعده التخانة على طول
جهز الابلكاش السيه مصنع 10 أو الكتاب “ابو 24 جنيه “عشان وش الضلف
والبياض ابو 750! جنيه والبوصة الزان ام 1200! جنيه عشان الأوايم
ورتب مع المكبس على بعد الغدا.
نجهز حاجة الطريحة كلها “قواعد وبرانيط واجناب وضلف وضهور وارفف وقواطيع
وحاجة العفش كلها عشان لما نييجي نروس تكون حاجتنا كاملة
وبعدين نكمل الطريحة اويمجية واشرجية ونسعى ع التجار قبل ما نشطب
عشان ربنا يكرمنا ونبيع ونعرف نعملنا طريحة تانية
يا ترى انت فين يا #نص_جنيه

عن نافذه دمياط

اترك تعليقاً